ලෝක ටෙනිස් ශූර ස්පාඤ්ඤයේ රෆායල් නඩාල් සිය ක්‍රීඩා දිවියෙන් නිල වශයෙන් සමුගැනීම සිදු කළා.
පසුගියදා අවසන් වූ ඩේවිස් කුසලාන අවසන් මහා තරගයේ දී නඩාල් පිරිමි කණ්ඩායම් ඉසව්වෙන් පරාජයට පත්වීමෙන් ලද කම්පනයෙන් අනතුරුවයි තමන් සිය වෘත්තීය ක්‍රීඩා දිවියෙන් සමුගන්නා බවට හෙතෙම නිල වශයෙන් දැනුම්දුන්නේ.
මෙම වසරේ ඩේවිස් කුසලාන අවසන් මහා තරගය මලගාහි දී පැවැත්වුණු අතර ස්පාඤ්ඤ නෙදර්ලන්තය හමුවේ පරාජයට පත් වුණා.
ග්‍රෑන්ඩ් ස්ලෑම් ශූරතා 22ක් දිනාගෙන ඇති ස්පාඤ්ඤයේ සුපිරි ක්‍රීඩක නඩාල්, ලකුණු වට 6-4ක් සහ 6-4 ක් ලෙසටයි Botic van de Zandschulp හා Wesley Koolhof හමුවේ පරාජයට පත් වූයේ.
වසර 20කට අධික කාලයක් තමන් වෘත්තීය ජීවිතයේ කටයුතු කර ඇති බවත් ඒ වෙනුවෙන් දිරිගැන්වූ සිය ආදරණීය ප්‍රේක්ෂකයින්ට ස්තුතිය පුද කරන බවත් හෙතෙම රැස්ව සිටි ප්‍රේක්ෂකාගාරයේ ක්‍රීඩා ලෝලීන් අමතමින් සඳහන් කළා.
“මම නෙදර්ලන්තයට සුබ පතන්න කැමතියි, අපි හැමෝටම අවශ්‍ය පරිදි ඩේවිස් කුසලානය මට නැවත ක්‍රීඩා කිරීමට ඉඩ දුන් මෙහි සිටින මුළු ස්පාඤ්ඤ කණ්ඩායමට ස්තුතිවන්ත වෙනවා. මා සතුව තිබූ සියල්ල මම ලබා දුන්නා.මම ටෙනිස් ක්‍රීඩා කිරීමෙන් වෙහෙසට පත් නොවුණත් මගේ ශරීරය තවදුරටත් ක්‍රීඩා කිරීමට අකමැති නිසා ඔබ එය පිළිගත යුතුයි. මට ලොකු වරප්‍රසාදයක් දැනෙනවා, මට පුළුවන් වුණා දිගු කලක් මගේ විනෝදාංශය මගේ වෘත්තිය කර ගන්න..” යනුවෙන් හෙතෙම වැඩිදුරටත් කියා සිටියා.
