ඩෙංගු එන්නත සඳහා අනුමැතිය ලබා ගැනීමේ ක්රියාවලිය සැලකිය යුතු මට්ටමකට අවසන් කර ඇති බව සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස පවසනවා.
ඊට අනුමැති ලැබුණු වහාම පෞද්ගලික අංශයට මිල දී ගැනීමට අවස්ථාව ලබාදෙන බවයි අමාත්යවරයා සඳහන් කරන්නේ.
මේ අතර එළඹෙන සැප්තැම්බර් මාසයේ සිට වොල්බැචියා ව්යාපෘතිය ද වසර එක හමාරක කාලයක් දක්වා ක්රියාත්මක කිරීමට නියමිත බවයි සෞඛ්ය අමාත්යවරයා පැවසුවේ.
මෙම ක්රියාමාර්ග තුළින් ඩෙංගු රෝගය සැලකිය යුතු මට්ටමකට පාලනය කිරීමට හැකිවනු ඇති බවට බලාපොරොත්තුවන බවයි ඔහු මාධ්ය වෙත අදහස් දක්වමින් සඳහන් කර සිටියේ.
මේ අතර පවතින ඩෙංගු තත්ත්වයේ පාලනය කිරීමට මේ වනවිට සෞඛ්ය අංශ සමත් වී ඇති බවත්, රෝහල් ධාරිතාවය ආරක්ෂා කරගැනීමට සෞඛ්ය කාර්ය මණ්ඩලය සමත් වී ඇති බවත් අමාත්යවරයා අවධාරණය කළා.
