නීතිවිරෝධී ලෙස මෙරටට රැගෙන ආ විදෙස් රටක නිෂ්පාදිත දුම්වැටි තොගයක් කටුනායක ගුවන් තොටුපොළෙන් රහසිගතව රැගෙන යාමට උත්සාහ කිරීමේ දී ගුවන් තොටුපොළ පොලිස් මත්ද්රව්ය නාශක අංශයේ නිලධාරීන් පිරිසක් විසින් අත් අඩංගුවට ගනු ලැබුවා.
අද (27) අලුයම මෙම දුම්වැටි සමග එය රැගෙන ආ පුද්ගලයෙකු අත් අඩංගුවට ගෙන ඇති බවයි වාර්තා වන්නේ.
සැකකරු අනුරාධපුර – මඩාටුගම ප්රදේශයේ පදිංචි 30 හැවිරිදි අයෙක් වන අතර ඔහු වසර ගණනාවක් ඩුබායි හි ටැක්සි රථ රියදුරෙකු ලෙස සේවය කර තිබෙනවා.
සැකකරු අද අලුයම 03.20 ට ඩුබායි සිට ෆ්ලයි ඩුබායි ගුවන් සේවයේ එෆ්.ඉසෙඩ්.- 8545 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබූ බවයි වාර්තා වන්නේ.
සැකකරුගේ ගමන් මළු තුළ “ප්ලැටිනම්” වර්ගයේ දුම්වැටි 14,800ක් අඩංගු දුම්වැටි කාටූන් 74ක් සඟවා තිබියදී සොයා ගැනුණා.
මේ වනවිට මෙම පුද්ගලයා පොලිස් ඇප මත මුදා හැර ඇති අතර, එළඹෙන 30 වැනිදා සැකකරු මීගමුව මහේස්ත්රාත් අධිකරණය වෙත ඉදිරිපත් කිරීමට නියමිතයි.
