ලංකා වාණිජ මණ්ඩලය විසින් සංවිධානය කරන ලද “ඩිජිටල් අත්සන සහ කඩදාසි රහිත රේගු ප්රකාශන ක්රමවේදය” පිළිබඳව ආනයනකරුවන් සහ ව්යාපාරික ප්රජාව දැනුවත් කිරීමේ වැඩසටහනක් ඊයේ (18) පෙරවරුවේ ලංකා වාණිජ මණ්ඩල ශ්රවණාගාරයේදී පැවැත් වුණා.
රේගු කටයුතු කඩදාසි රහිත කිරීමේ වැඩසටහන කඩිනම් කිරීමේ රජයේ වැඩපිළිවෙළට සමගාමීව ශ්රී ලංකා වාණිජ මණ්ඩලය මෙම දැනුවත් කිරීමේ වැඩසටහන සංවිධානය කර තිබෙනවා.
කඩදාසි රහිත රේගු ප්රකාශන ව්යාපෘතිය තුළින් වෙළෙඳ කේෂ්ත්රයට අත්වන ප්රතිලාභ සම්බන්ධව මෙහිදී පුළුල් ලෙස මෙහිදී සාකච්ඡා වුණා.
රජයේ ඩිජිටල්කරණ ප්රතිපත්තිය සහ ආදායම් පරිපාලන, ප්රතිසංස්කරණ සහ නවීකරණ කාර්යාංශයේ කාර්යභාරය පිළිබඳව විශේෂ දේශනයක් සිදු කළ ආදායම් පරිපාලන ප්රතිසංස්කරණ සහ නවීකරණ කාර්යාංශයේ ප්රධානී ජනාධිපති ජ්යෙෂ්ඨ අතිරේක ලේකම් සීවලි අරුක්ගොඩ, ඔක්තෝබර් මස 01 වනදා සිට ක්රියාත්මක කෙරෙන මෙම ව්යාපෘතිය සාර්ථක කර ගැනීමට ශ්රී ලංකා රේගුවේ තොරතුරු තාක්ෂණ අංශය ලබා දෙන දායකත්වය අගය කරන බවද පැවසුවා.
අනතුරුව LankaPay ආයතනයේ සහ ශ්රී ලංකා රේගුවේ නිලධාරීන් විසින් තාක්ෂණික සැසියක් සංවිධානය කරනු ලැබ තිබූ අතර, එහිදී ඩිජිටල් අත්සන යනු කුමක්ද? එය ලබා ගන්නා නිවැරදි ආකාරය සහ රේගු ප්රකාශන ඉදිරිපත් කිරීමේදී එය ප්රායෝගිකව භාවිත කරන්නේ කෙසේද යන්න පිළිබඳවද සහභාගී වූවන් පුළුල්ව දැනුවත් කෙරුණා.
