ඩ්‍රැයිවින් ලයිසන් එක දීලා, කතා කරන කෙනෙකුට කතා කරන්න

පොලිස් නිළධාරින්ගේ අණ නොතකා ධාවනය කළ සුපිරි රථයක හිමිකරුවෙක් පසුපස ලුහුබැඳ අල්ලාගත් අයුරු දැක්වෙන වීඩියෝවක් සමාජ මාධ්‍ය ඔස්සේ මේ දිනවල සංසරණය වනවා. අදාළ රථයේ හිමිකරු, සිය දුරකථනයෙන් යමෙකුට කතා කිරීමට උත්සහ කරන අතර පොලිස් නිළධාරින්ගේ වචනයට අවනත නොවන අයුරුද දැකගත හැකියි.

කෙසේ වෙතත්, එම සිදුවීමට මුහුණු දුන් පොලිස් නිළධාරින් දෙදෙනාගෙන් අප කළ විමසීමකදී එම අවස්ථාවේ සිදු වූ සිදුවීම මෙලෙස පැහැදිලි කළා.“හොරණ රාජකාරියේ ඉන්න වෙලාවේ සිදුවුනු දෙයක් මේක. මෙයා ඕවර් ටේක් කරගෙන යද්දි අපි අණකළා නවත්වන්න. ඒත් මෙයා අතින් හස්ත සංඥාවකුත් දාලායි ගියේ. යනවා යන්න වගේ කියලා. මුලින්ම ලයිසන් එක දුන්නෙත් නෑ. කිහිප සැරයක්ම ඉල්ලුවා. මෙයා ගණන් ගත්තේ නෑ. දඩ කොළේ අපි ලියලා දුන්නා, රුපියල් 3000ක දඩයක්..”