අද (06) පෙරවරුවේ කොළඹ ප්රධාන මහේස්ත්රාත් අධිකරණය විසින් හිටපු රාජ්ය අමාත්ය ඩයනා ගමගේ මහත්මියට එරෙහි වරෙන්තුව ආපසු කැඳවීමට නියම කරනු ලැබුවා.
ආගමන හා විගමන පනත යටතේ චෝදනා ලබා සිටින හිටපු රාජ්ය අමාත්යවරිය අද නඩුව කැඳවූ අවස්ථාවේ දී අධිකරණය හමුවේ පෙනී නොසිටි අතර ඒ හේතුවෙනුයි අදාළ වරෙන්තු නිකුත් කළේ.
කෙසේවෙතත් හිටපු රාජ්ය අමාත්යවරිය සිය නීතිඥවරු මාර්ගයෙන් මෝසමක් ඉදිරිපත් කරමින් මීට ටික වේලාවකට පෙර අධිකරණයේ පෙනී සිටියා.
ඒ අනුව අත්අඩංගුවට ගෙන ඉදිරිපත් කරන ලෙස දන්වා නිකුත් කළ වරෙන්තු ආපසු කැඳවීමට කොළඹ මහේස්ත්රාත් අධිකරණය නියම කළා.
ආගමන – විගමන පනත උල්ලංඝනය කිරීමේ චෝදනා මත පවරා ඇති නඩුවල සැකකාරිණිය වන හිටපු රාජ්ය අමාත්ය ඩයනා ගමගේ මහත්මිය වහාම අත්අඩංගුවට ගෙන අධිකරණයට ඉදිරිපත් කරන ලෙස නියෝග කර තිබෙනවා.
අද (06) පෙරවරුවේ එම නඩුව කැඳවූ අවස්ථාවේ දී කොළඹ ප්රධාන මහේස්ත්රාත් තනූජා ලක්මාලි මහත්මිය විසින් මෙම වරෙන්තුව නිකුත් කරනු ලැබුවා.
ඩයනා ගමගේ මහත්මියට එරෙහිව අපරාධ පරීක්ෂණ දෙපාර්තමේන්තුව ආගමන – විගමන සිද්ධීන් 07ක් උල්ලංඝනය කිරීමේ චෝදනාවලට නඩු පවරා තිබූ බැවින් එම නඩුව අද කැඳවූ අවස්ථාවේ දී විත්තිකාරිණිය වන ඩයනා ගමගේ මහත්මිය අධිකරණයේ පෙනී සිටියේ නැහැ.
එම අවස්ථාවේදීයි අධිකරණ විනිසුරුවරිය මෙම වරෙන්තුව නිකුත් කළේ.
ඒ අනුව එම නඩුව යළි අප්රේල් මස 27 වැනි දා කැඳවීමට ද අධිකරණය නියෝග කළා.
