රාජ්‍ය ඇමතිනී ඩයනා ගමගේ මහත්මියගේ විදේශ ගමන් බලපත්‍රය සම්බන්ධයෙන් පරීක්ෂණයක් සිදුකරන ලෙස ඉල්ලා ගොනුකළ නඩුව අද විභාග වන අතරතුර උණුසුම්කාරී තත්වයක් හටගෙන තිබෙනවා.
අප අධිකරණ වාර්තාකරු පවසන්නේ පැමිණිල්ල අද කැදවු අවස්ථාවේ දි දෙපාර්ශවයේ නීතිඥවරු අතර උණුසුම් වචන හුවමාරුවක් සිදුවූ බවයි.
මේ හේතුවෙන් එම නඩුව පසුවට කල් තැබීමට කොළඹ ප්‍රධාන මහේස්ත්‍රාත් ප්‍රසන්න අල්විස් මහතා නියෝග කළා.
ඩයනා ගමගේ මහත්මියගේ අයිතිවාසිකම් වෙනුවෙන් ජනාධිපති නීතිඥ ශවීන්ද්‍ර ප්‍රනාන්දු මහතා පෙනීසිටි අතර අගතියට පත් පාර්ශව වෙනුවෙන් නීතිඥ ගුණරත්න වන්නිනායක ඇතුළු නීතිඥවරුන් පිරිසක් පෙනී සිටියා.
