ඕස්ට්‍රේලියානු ආරම්භක පිතිකරු ඩේවිඩ් වෝනර් හට ඉන්දියාව සමඟ ඉදිරි ටෙස්ට් තරග දෙක අහිමිව ගොස් තිබෙනවා.
වැලමිටේ ආබාධයක් හේතුවෙන් මෙලෙස ඉදිරි ටෙස්ට් තරග දෙක ඔහුට අහිමිව යන බවයි තොරතුරු වාර්තා වන්නේ.
ඒ, අනුව ඔහු යළි ඕස්ට්‍රේලියාව බලා පියාසර කරන අතර, පසුව පැවැත්වෙන එක්දින තරඟාවලිය සඳහා වෝනර් යළි ඉන්දියාව බලා පැමිණීමට අපේක්ෂා කරන බවයි වාර්තා වුණේ.
දිල්ලි හි පැවැති දෙවැනි ටෙස්ට් තරගයේ පළමු ඉනිමේදී මොහොමඩ් සිරාජ්ගේ පන්දුවක් වෝනර්ගේ වම් වැලමිටේ වැදීම හේතුවෙන් ඔහු අබාධයට ලක්වුණා.
වෙනර්ගේ ඉවත්වීමෙන් පසු ඉදිරි තරග දෙක තුළ දී ඕස්ට්‍රේලියානු පිළේ ආරම්භක පිතිකරු ලෙස උස්මාන් කවාජා සමඟ ට්‍රැවිස් හෙඩ් ක්‍රීඩා කිරීමට නියමිතයි.
මේ අතර වෙනර්ගේ ආරම්භක පිතිකරු භුමිකාවේ වගකීම ට්‍රැවිස් හෙඩ්ට පැවරුව ද වෝනර් වෙනුවට තුන් ඉරියව් ක්‍රීඩක කැමරන් ග්‍රීන් ඕස්ට්‍රේලියානු කණ්ඩායමට කැඳවීමට නියමිත බවට තොරතුරු වාර්තා වනවා.
ඉන්දියාව සහ ඕස්ට්‍රේලියාව අතර තරග හතරකින් සමන්විත ටෙස්ට් තරගාවලියේ තුන්වන තරගය මාර්තු 01 වනදා ඉන්දෝර් හිදී ආරම්භ වනවා.
