පසුගිය දිනවල දැඩි ආන්දෝලන පුවත් මැවූ උපකාරක පන්ති ගුරුවරියක් වන හයේෂිකා ප්රනාන්දු (ටීචර් අම්මා)ට එරෙහිව මූලික අයිතිවාසිකම් පෙත්සමක් ශ්රේෂ්ඨාධිකරණයට ගොනු කර තිබෙනවා.
එම ගුරුවරියගෙන් පහරකෑ බවට ප්රකාශ කරන ඇය උගන්වන ආයතනයේ සේවය කළ තරුණයා විසින් මෙම මූලික අයිතිවාසිකම් පෙත්සම ගොනු කර ඇති බවයි පැවසෙන්නේ.
මෙම ගුරුවරිය විසින් කළ පැමිණිල්ලකට අනුව තමන්ව කටාන පොලීසිය විසින් අත්අඩංගුවට ගැනීම තුළින් තම මූලික මිනිස් අයිතිවාසිකම් උල්ලංඝනය වී ඇති බවට තීන්දුවක් ලබාදෙන ලෙස ඉල්ලා අදාළ තරුණයා මෙම පෙත්සම යොමුකර තිබෙනවා.
ඒ අනුව අදාළ පෙත්සම සලකා බැලීමට ජනවාරි මස 28 වනදා කැඳවන ලෙසත් ශ්රේෂ්ඨාධිකරණය මෙහිදී දින නියම කර තිබෙනවා.
එහි වගඋත්තරකරුවන් ලෙස කටාන පොලීසියේ පොලිස් පරීක්ෂකවරයා ඇතුළු පිරිසක් නම් කර තිබෙනවා.
මෙම පෙත්සම අචල වෙංගප්පුලි සහ සම්පත් විජේරත්න යන මහත්වරුන්ගෙන් සමන්විත ශ්රේෂ්ඨාධිකරණ විනිසුරු මඩුල්ලක් හමුවේ කැඳවනු ලැබුවා.
පෙත්සම්කාර තරුණයා පවසා සිටින්නේ අදාළ ගුරුවරියගේ හිමිකාරීත්වය ඇති පෞද්ගලික අධ්යාපන ආයතනයක තාක්ෂණ නිලධාරියකු ලෙස තමන් සේවය කළ බවයි.
එසේ සේවය කරමින් සිටියදී පරිගණක පුහුණුවක් ලබාදෙන ලෙස පවසා, තරුණියක් එම අධ්යාපන ආයතනයේ හිමිකාරිය විසින් තමන්ට භාරදුන් බවත් පෙත්සම්කරු පවසා සිටියා.
මේ ආකාරයෙන් පරිගණක පුහුණුව ලබාදෙන අතරතුර ඉකුත් මැයි මස 6 වනදා එම ස්ථානයට පැමිණි හයේෂිකා ප්රනාන්දු නමැත්තිය, මුහුණු පොතේ පළකර තිබූ කමෙන්ටුවක් පිළිබඳ විමසමින් තමාට පයින් පහර දුන් බව ද එම තරුණයා පෙත්සම මගින් සඳහන් කරනවා.
ඉන් පසුව තවත් පිරිසක් සමග එක්ව අමානුෂික ආකාරයෙන් පහර දුන් බවත් පෙත්සම්කරු චෝදනා කරනවා.
පසුව අදාළ තරුණියගේ දෙමව්පියන් කැඳවා ඇයට ලිංගික අතවර සිදුකළ බවට අසත්ය චෝදනාවක් ඇය විසින් එල්ල කළ බවත් ඔහු සඳහන් කරනවා.
අදාළ ආයතනයේ හිමිකාර ගුරුවරියගේ පැමිණිල්ලක් මත පහරදීම හේතුවෙන් රෝහල්ගතව සිටි තමන්ව ඉකුත් මැයි මස 14 වනදා කටාන පොලිසියේ නිලධාරීන් විසින් අත්අඩංගුවට ගත් බවත්, පැය 48ක් ගත වන තුරු තමන්ව අධිකරණයට ඉදිරිපත් කිරීමට පොලිස් නිලධාරීන් කටයුතු නොකළ බවත් පෙත්සම්කරු වැඩිදුරටත් චෝදනා කරනවා.
සාධාරණ හේතුවක් නොමැතිව තමන්ව අත්අඩංගුවට ගෙන අනීතික ලෙස රඳවා ගැනීම තුළින් සිය මූලික මිනිස් අයිතිවාසිකම් උල්ලංඝනය වී ඇති බවට තීන්දුවක් ලබාදෙන ලෙසත්, ඒ වෙනුවෙන් අධිකරණයට සුදුසු යැයි හැඟෙන වන්දියක් ලබාදෙන ලෙසත් පෙත්සම්කරු ශ්රේෂ්ඨාධිකරණයෙන් අයැද සිටිනවා.
නීතිය ක්රියාත්මක කරන්න ඕන මේවට