ගිනිගත්හේන මධ්‍ය මහා විද්‍යාලයේ තාක්ෂණ අංශයේ අධ්‍යාපනය ලබන සිසුවෙකුට එම පාසලේ පරිගණක තාක්ෂණික විෂය භාර ගුරුවරයා විසින් තැළුම් පහර සිටින සේ එල්ල කරන ලද පහරදීමකින් එම ශිෂ්‍යයා මේ වනවිට (26) මහනුවර ශික්ෂණ රෝහල වෙත මාරු කර යැවීමේ සිදුවීමක් වාර්තා වනවා.
දසත ප්‍රාදේශීය වාර්තාකරු පැවසුවේ 13 වැනි ශ්‍රේණියේ ඉගෙනුම ලබමින් සිටින භවන්ත ජනිත් පවිත්‍රාරච්චි නමැති සිසුවාට අදාළ විෂයය භාර ගුරුවරයා මෙලෙස අමානුෂික ලෙස පහරදී ඇති බවත් තුවාලකරුව නාවලපිටිය දිස්ත්‍රික් මහ රෝහලින් පසුව මහනුවරට මාරු කර යවා ඇති බවයි.
පහරකෑමට ලක් වූ සිසුවා මාස දෙකකට ආසන්න කාලයක් පාසල් නොපැමිණි බවත්, ඔහු එම කාලය තුළ විෂය බාහිර පන්තිවලට ගොස් ඇති බවත්, සිසුවා ජුනි 23 වැනිදින යළිත් පාසලට ගිය විට දී ගුරුවරයා පැමිණ සටහන් පොත පරීක්ෂා කිරීමට ඉල්ලා තිබෙනවා.
එහිදී එම සිසුවා විසින් ගුරුවරයාට ඉදිරිපත් කර ඇත්තේ, බාහිර පන්තිවල ලියූ සටහන් පොත බවයි පහරකෑමට ලක් වූ සිසුවා පවසා ඇත්තේ.
එම අවස්ථාවේ දී කෝපයට පත් වූ විෂයය භාර ගුරුවරයා පොත විසිකර දමා සිසුවාගේ මුහුණට පහරවල් කිහිපයක් ගසා තිබෙනවා.
පහරකෑමෙන් සිසුවාගේ මුහුණේ උඩු කොටස ඉදිමී තුවාල සිදු වී ඇති අයුරුත් අප වාර්තාකරුගේ කැමරා කාචයේ සටහන් ව තිබෙනවා.
පසුව ශිෂ්‍යයා සිදුවීම සමබන්ධයෙන් ගිනිගත් හේන පොලිසියට ද පැමිණිලි කර රෝහල්ගත වීමට පැමිණි අවස්ථාවේ දී පාසලේ ගුරුවරු තිදෙනෙකු ත්‍රීරෝද රථයකින් පොලිසිය අසලට පැමිණ තමන්ව බලෙන් ම රථයට නංවාගෙන යළිත් පාසල කරා පැමිණ මෙම සිදුවීම පොලිසියට පැමිණිලි නොකරන ලෙසට ද ඉල්ලා සිටි බවත් ශිෂ්‍යයා පවසා සිටිනවා.
මේ වනවිට තමන්ට ශ්‍රවණාබාධයක් ඇති ව තිබෙන බවත් සිසුවා පවසා තිබෙනවා.
දසත ප්‍රාදේශීය වාර්තාකරු ගිනිගත්හේන මධ්‍ය මහා විද්‍යාලයේ විදුහල්පති උපුල් ඉන්ද්‍රජිත් මහතාගෙන් සිදු කළ විමසීමක දී ඔහු පවසා ඇත්තේ අදාළ සිසුවා සහ තවත් සිසුන් කිහිපදෙනෙකු මාස දෙකක පමණ කාලයක් පාසල් නොපැමිණීම හේතුවෙන් විෂයය භාර ගුරුවරයා විසින් එම සිසුන්ට තරයේ අවවාද කර ඇති බවයි.
කෙසේවෙතත් අදාළ පහරකෑමට ලක් වූ සිසුවා සිය මුහුණුපොතේ ද තමන්ට ගුරුවරයෙකු විසින් අමානුෂික අන්දමින් පහර දුන් බව සටහන් කරමින් පෝස්ටුවක් ද පළ කර ඇතැයි ගිනිගත් හේන පොලිසිය පවසා තිබෙනවා.
නාවලපිටිය දිස්ත්‍රික් මහ රෝහලේ රෝහල් පොලිසිය විසින් සිසුවාගෙන් ප්‍රකාශයක් සටහන් කරගෙන ඇති බවත්, එම ප්‍රකාශය තම පොලිසිය වෙත ලැබීමෙන් පසු සිද්ධිය සම්බන්ධයෙන් හැටන් මහේස්ත්‍රාත් අධිකරණය හමුව් කරුණු වාර්තා කරන බව ද ගිනිගත්හේන පොලිසිය වැඩිදුරටත් සනාථ කළා.
මුං පන්ති යනවා කියලා යනවා කරගන්න මගුලකුත් නෑ.අන්තිමට ෆේල් වුනාම ඉස්කොලේ ගුරුවරයා පලි.