අද වනවිට උපකාරක පන්ති මුදල්, රටේ අත්යවශ්ය මුදල් ගණයට පත්ව ඇති බව මුදල් රාජ්ය අමාත්ය රංජිත් සියඹලාපිටිය පවසනවා.
අද වනවිට එක් ළමයෙකුට රුපියල් 22,000ක පමණ මුදලක් උපකාරක පන්ති සඳහා වැයවන බවයි රාජ්ය අමාත්යවරයා සඳහන් කරන්නේ.
මේ වනවිට පවතින තරගකාරී අධ්යාපන රටාව තුළ පාසල් අධ්යාපනය සඳහා ආණ්ඩුව සිදුකරන වියදම මෙන් 30%ක් වියදම් කිරීමට සිදුව ඇති බවයි ඔහු වැඩිදුරටත් සඳහන් කර සිටියේ.
දෙහිඕවිට ප්රදේශයේ පැවති වැඩසටහනකට එක්වෙමින් රාජ්ය අමාත්යවරයා මේ බව සඳහන් කර සිටියා.
“මහා භාණ්ඩාගරය 2024 අධ්යාපනය සඳහා බිලියන 546ක මුදලක් වෙන්කරලා තියෙනවා. මේකෙන් 402ක් පාසල් අධ්යාපනයට වෙන්කරලා තියෙනවා.අනිත් මුදල් විශ්වවිද්යාල සදහා වෙන් කරලා තියෙනවා.උපකාරක පන්ති පිළිබඳ සාමාන්ය මිනිසුන්ගේ වියදම් ගොඩේ තිබුණේ නෑ. අපේ රටේ උද්ධමනය මිල ඉහළයාම සොයාබලන්න කණ්ඩායමක් පත් කරගෙන තියෙනවා. ඉස්සෙල්ලාම 1952 තමයි මිල දර්ශකයක් හදලා මේක පටන් ගත්තේ. අද වෙනකොට උපකාරක පන්ති මුදල් රටේ අත්යවශ්ය මුදල් ගණයට අයත් වෙනවා. අද වෙනකොට පොදුවේ ගත් කළ ළමයකුට රුපියල් විසි දෙදාහක් ටියුෂන් සඳහා වැයවෙනවා. අපේ රටේ පවුල් පනස් හත් ලක්ෂයක් ඉන්නවා.එහිදී බිලියන 121ක් 122ක් වගේ ප්රමාණයකට ටියුෂන් සඳහා දෙමව්පියන් වියදම් කරනවා. මෙහිදී පාසල් අධ්යාපනය සඳහා ආණ්ඩුව වියදම් කරනවා වගේ සියයට තිහක් වියදම් කරන්න වෙලා තියෙනවා තරගකාරී අධ්යාපන රටාවත් සමඟ.මෙහිදී වැදගත් වෙන්නේ වාණිජ පරමාර්ථවලට වඩා එහා ගිය පරමාර්ථයක් ඉටු කිරීමයි.”
