ඇමරිකානු හිටපු ජනාධිපතිවරයෙක් වන ඩොනල්ඩ් ට්රම්ප්ට 2024 ජනාධිපතිවරණයට ඉදිරිපත් විය හැකි ද යන්න තීරණය කිරීම සඳහා ඓතිහාසික නඩුවක් විභාග කරන බව එරට ශ්රේෂ්ඨාධිකරණය ප්රකාශ කර තිබෙනවා.
ඒ, 2024 ඇමරිකානු ජනාධිපතිවරණය සඳහා ඉදිරිපත්වීම සඳහා ඩොනල්ඩ් ට්රම්ප් නුසුදුස්සෙකු බවට ප්රකාශ කරමින් කොලරාඩෝ ප්රාන්තය ගත් තීරණයට එරෙහිව ඔහු විසින් ගොනුකළ අභියාචනය විභාගයට ගැනීමට ශ්රේෂ්ඨාධිකරණය තීරණය කිරීමත් සමඟයි.
අභියාචනය එළඹෙන පෙබරවාරි මාසයේ දී විභාගයට ගැනීමට නියමිත අතර, ඉන් ලබාදෙන තීන්දුව රටපුරා බලපැවැත් වෙන බවයි ඇමරිකානු ශ්රේෂ්ඨාධිකරණය සඳහන් කරන්නේ.
ට්රම්ප් විසින් වසර තුනකට පෙර එක්සත් ජනපදයේ කැරැල්ලක නිරත වූ බවට තර්ක කරමින් ප්රාන්ත කිහිපයක් විසින් ඔහුව මීළඟ ජනාධිපතිවරණය සඳහා නුසුදුස්සෙකු කරමිත් මීට පෙර අධිකරණ තීරණ ලබාදෙනු ලැබුවා.
කෙසේ වෙතත් එක්සත් ජනපද ආණ්ඩුක්රම ව්යවස්ථාවේ 14 වැනි සංශෝධනයෙන් “කැරැල්ලක හෝ කැරැල්ලක” යෙදී සිටින ඕනෑම කෙනෙකුට ෆෙඩරල් තනතුරු දැරීම තහනම් කර ඇතත් එය ජනාධිපතිවරයාට අදාළ නොවන බව ට්රම්ප්ගේ නීතීඥයෝ තර්ක කරනවා.
මෙම වසරේ නොවැම්බරයේ පැවැත්වෙන ජනාධිපතිවරණයේ දී ඩිමොක්රටික් පාක්ෂිකයෙකු වන වත්මන් ජනාධිපති ජෝ බයිඩන්ට එරෙහිව නැවත තරඟ කිරීමට ඩොනල්ඩ් ට්රම්ප් රිපබ්ලිකන් පක්ෂයේ අපේක්ෂකයා ලෙස මේ වනවිටත් ප්රවර්ධන කටයුතු අරඹා තිබෙනවා.
ට්රම්ප් ට වෙන දේ ගැන තමා අපි මේ බලාගෙන ඉන්නේ..