හිටපු දකුණු අප්‍රිකානු තුන් ඉරියව් ක්‍රීඩකයෙකු වන ජේ.පී. ඩුමිනි ප්‍රධාන පුහුණුකාරී ධුරයකට පත් කර තිබෙනවා.
ඒ ජාත්‍යන්තර ලීගයේ (ILT20) සාජා වොරියර්ස් කණ්ඩායම වෙනුවෙන් බවයි වාර්තා වන්නේ.
ජේ.පී. ඩුමිනි යනු මේ වනවිට (03) දකුණු අප්‍රිකානු එක්දින තරග ආකෘතියේ ද පිතිකරණ පුහුණුකරු වශයෙන් ද කටයුතු කරන්නෙක්.
2023 වසර අග දී ඩුමිනි දකුණු අප්‍රිකාවේ එක්දින තරග රටාවේ පිතිකරණ පුහුණුකරු ලෙස සිය රාජකාරි කටයුතු ආරම්භ කළා.
ජේ.පී ඩුමිනි යනු ජාත්‍යන්තර එක්දින පිටියට 2004 සිට 2019 තෙක් සිය දායකත්වය තුන් ඉරියව්වෙන් ම ලබාදුන් විශිෂ්ට ක්‍රීඩකයෙකු ලෙසයි සැලකෙන්නේ.
ඔහු කැරිබියන් ප්‍රිමියර් ලීග් (සීපීඑල්), ඉන්දියන් ප්‍රිමියර් ලීග් (අයිපීඑල්) සහ පකිස්තාන් සුපර් ලීග් (පීඑස්එල්) හි ද කොටස්කරුවෙකු වුණා.
