දිවයින පුරා රජයේ පාසල්වල සේවය කරනු ලබන අධ්යාපන අනධ්යයන සේවකයන්ගේ වෘත්තීමය ගැටලු සම්බන්ධයෙන් රජය මගින් මෙතෙක් විසඳුමක් ලබා නොදීම හේතුවෙන් මෙමස 24, 25 හා 26 දිනයන් හි දීප ව්යාප්තව සියලු තනතුරුවලට අයත් අනධ්යයන සේවකයන් අසනීප නිවාඩු වාර්තා කිරීමට පියවර ගන්නා බව සමස්ත ලංකා එකමුතු අධ්යාපන අනධ්යයන සේවක සංගමය පවසනවා.
එහි සභාපති කුමුදු එස්. කටපොලුගෙ සඳහන් කළේ; උසස්විම් ක්රමවේදයක් මෙතෙක් ලබා නොදීම, ජාතික ප්රතිපත්තියක් ක්රියාත්මක නොකිරීම, ක්රමානුකූල ස්ථාන මාරුවීම් ක්රමවේද නොතිබීම, තනතුරු නාම නිසියාකාර ව ක්රියාත්මක නොවීම, ඇතැම් විදුහල්පතිවරුන්ගේ තාඩන පීඩන නැති පරිසරයක් නොවීම, අතිකාල දීමනා නොගෙවා වැඩ ගැනීම ආදී ගැටලු රැසක් මුල් කරගනිමින් මෙම සිදු කරන බවයි.
උපාධි ඩිප්ලෝමාධාරීන් සඳහා නිසි ක්රමවේද ක්රියාත්මක නොවීම, වාරාන්තර නිවාඩු නිසියාකාරව ක්රියාත්මක කිරීම සහ ජීවත් විය හැක පරිදි වැටුප් විෂමතා ඉවත් කිරීම, පාසල් කටයුතු අවසන් කර 1:30ට පාසලෙන් බැහැරවීමට අවස්ථාව ලබාදීම සහ තනතුරට අදාළ රාජකාරියේ පමණක් සේවකයන් නොයෙදීම ඇතුළු කරුණු සම්බන්ධයෙන් පාලකයන් දැනුවත් කළ ද; කිසිදු ප්රතිඵලයක් නොවීම මත ඔවුන් වැඩ වර්ජනය සිදු කරන බව ද වාර්තා වනවා.
