රක්ෂිත බන්ධනාගාරගත කර සිටි ලංකා ප්රිමියර් ලීග් (LPL) තරගාවලියේ Jaffna Kings කණ්ඩායමේ සම හිමිකරු ඇතුළු සැකකරුවන් දෙදෙනා ඇප මත මුදාහැරීමට කොළඹ ප්රධාන මහේස්ත්රාත් අසංග එස් බෝදරගම මහතා අද (31) නියෝග කළා.
සැකකරුවන් දෙදෙනා වෙනුවෙන් අධිකරණයේ පෙනී සිටි නීතිඥවරයා විසින් කරන ලද කරුණු සලකා බැලීමෙන් අනතුරුව මහේස්ත්රාත්වරයා විසින් මෙම නියෝගය ලබා දුන්නා.
සිද්ධියට අදාළව අද දින ද අධිකරණයේ පෙනී නීතිඥවරයා තම සේවා දායකයන් දෙදෙනා අසනීප තත්ත්වයෙන් පෙලෙන බැවින් අධිකරණයෙන් ඇප ඉල්ලා සිටියා.
ඉදිරිපත් වූ කරුණු සලකා බැලූ මහේස්ත්රාත්වරයා සිද්ධියට අදාළ සැකකරුවන් ඇප මත මුදා හරිනු ලැබුවා.
එසේ ඇප මත මුදා හරිනු ලැබුවේ ජැෆ්නා කිංග්ස් කණ්ඩායමේ හිමිකරු වන මංජොට් කල්රා සහ එම සිද්ධියට අධාර අනුබල ලබා දුන් බව කියන යුවරාජ් පුෂ්පා නැමැති ඉන්දියන් ජාතිකයින් දෙදෙනෙක්.
මේ අතර සෑම සතියකම සඳුදා දිනවල ක්රීඩා සම්බන්ධ වැරදි වැළැක්වීමේ ශ්රී ලංකා පොලිස් විශේෂ විමර්ශන ඒකකයේ පෙනී සිටින ලෙස ද මහේස්ත්රාත්වරයා සැකකරුවන්ට නියෝග කළා.
