ජාතික රෝහලේ හදිසි මරණ පරීක්ෂක ඉවත්කරන ලෙස ඉල්ලා විරෝධතාවක්

කොළඹ ජාතික රෝහලට පත්කර ඇති හදිසි මරණ පරීක්ෂක ඉවත්කරන ලෙස ඉල්ලා ජාතික රෝහලේ මරණ පරීක්ෂක කාර්යාලය ඉදිරිපිට විරෝධතාවක් පැවැත් වුණා.

අද (20) උදෑසන පැවති මෙම විරෝධතාවයට කොළඹ 01 සිට කොළඹ 15 දක්වා ප්‍රදේශවල ප්‍රදේශවාසීන් රැසක් එක්ව සිටි බවයි අප වාර්තාකරු සඳහන් කළේ.

විරෝධතාවයේ නිරත වූ පිරිස් සඳහන් කළේ එම තනතුර සඳහා පත්කර ඇති අනුත්තරා රාජපක්ෂ දේශපාලන පත්වීමක් මත පැමිණ ඇති බවයි.

එමෙන්ම ඇය කිසිසේත්ම එම තනතුර සඳහා නො ගැළපෙන බවයි ඔවුන් වැඩිදුරටත් කියා සිටියේ.