2021/2022 අධ්යයන වර්ෂයේ උසස් පෙළ විභාග ප්රතිඵල මත ජාතික අධ්යාපන විද්යාපීඨවලට ශික්ෂණලාභීන් ඇතුළත් කර ගැනීමට අදාළ අයදුම්පත් කැඳවීම සඳහා අධ්යාපන අමාත්යාංශය පියවර ගෙන තිබෙනවා.
ඒ, අනුව මීට අදාළ ගැසට් නිවේදනය ශ්රී ලංකා ප්රජාතාන්ත්රික සමාජවාදී ජනරජයේ අංක 2376 දරණ 2024.03.15 වන සිකුරාදා ගැසට් පත්රයේ පළ කර ඇති බවයි අධ්යාපන අමාත්යාංශය සඳහන් කරන්නේ.
මාර්ගගත ක්රමය (Online) ඔස්සේ මේ සඳහා අයදුම්පත් ඉදිරිපත් කළ යුතු අතර, අයදුම්පත් අතරින් සුදුස්සන් තෝරා ගැනීම ද මාර්ගගත ක්රමය ඔස්සේ ම මෙවර සිදු කරනු ලබනවා.
2024.03.15 දින දහවල් 12.00න් පසුව මාර්ගගත ක්රමවේදය ඔස්සේ මේ සඳහා අයදුම් කළ හැකි අතර, අයදුම් කිරීමේ කාල සීමාව 2024.04.05 දිනයෙන් අවසන්.
2024.03.15 දින දහවල් 12.00ට පෙර ඇතුළත් කර ඇති අයදුම්පත් සලකා නොබැලෙන බැවින් එම අයදුම්කරුවන් නැවත මාර්ගගත ක්රමය ඔස්සේ අයදුම් කළ යුතුයි.
