ශ්රී ලංකා ඉතිහාසයේ සිදු වූ දරුණුතම පාරිසරික ඛේදවාචකයක්වන එක්ස්ප්රස් පර්ල් නෞකාවේ සිදුවීම, සමාජජාල නිරූපන ශිල්පිණියකගේ දෙඩවිල්ලක සෙවනැල්ලෙන් වැසී ගොස් ඇති බව ලෝකප්රකට “දි ඉකොනොමිස්ට්” සඟරාව උපහාසාත්මකව වාර්තා කරනවා.
ඔවුන් මෙම ලිපියේ සඳහන් කර ඇති නිරූපණ ශිල්පිනිය වන්නේ පියුමි හංසමාලි යි.
සති දෙකක් පුරා ශ්රී ලංකාවට ආසන්න මුහුදෙහි එක්ස්ප්රස් පර්ල් නෞකාව ගිනි ගනිමින් පැවැති බවත්, අනතුරුව ජුනි 02 වැනි දා එය ගිලී ගිය බවත්, මෙම සිදුවීම් හේතුවෙන් මෙරට සාගර, වෙරළ සහ අනෙකුත් පරිසර පද්ධතීන්වලට දැඩි හානියක් සිදුව ඇති බවටත් අදාළ ලිපියෙහි පෙන්වා දෙනවා.
එමෙන්ම නෞකාව ශ්රී ලංකා මුහුදු කලාපයට ඇතුළු වූයේ එහි අසුරා තිබූ දරුණු ගණයේ අම්ලයක් පවතින බහාලුමක කාන්දුවක් පවතින බවට දැනුවත් භාවයෙන් යුතුවම දැයි ගැටළුවක් ද මතුවී ඇති බව අදාළ සඟරාව පවසනවා.
අවධානය නිළියට යොමු වෙලා
කෙසේ වෙතත් මෙවන් දරුණු ව්යසනයක් සිය රටට බලපා ඇති අවස්ථාවක, 28 හැවිරිදි නිළියක සහ නිරූපන ශිල්පිනියක්වන පියුමි හංසමාලී නමැත්තිය පිළිබඳව බොහෝ ශ්රී ලාංකිකයින්ගේ අවධානය සහ සංවාදය යොමුව තිබෙන බව “දි ඉකොනොමිස්ට්” සඟරාව සඳහන් කර තිබෙනවා.
නෞකාව ගිලී යාමට පටන්ගත් දිනයේම පොලීසිය විසින් පියුමි හංසමාලී ඇතුළු පිරිසක් “පැරණි” බස් රථයක නංවාගෙන, නිරෝදායනය කිරීම සඳහා පස්සර නමැති දුර ඈත ගම්මානයකට රැගෙන ගිය බවත්, ඒ අතරතුර ඇය “ෆේස්බුක් ලයිව්” වීඩියෝවක් හරහා කෝපයෙන් අදහස් ප්රකාශ කළ බවත්, ශ්රී ලංකාවේ රූපවාහිනී මාධ්යවේදියෙකු හට ඇය එහි දී චෝදනා කළ බවත් සඟරාවෙහි සඳහන්.
මෙම බැණවැදීමේ වීඩියෝව 34,000කට වඩා වැඩි වාර ගණනක් නරඹා ඇති බව පෙන්වා දෙන “දි ඉකොනොමිස්ට්” සඟරාව, අමාත්ය සරත් වීරසේකර සම්බන්ධ සිදුවීම පිළිබඳව ද වාර්තා කර තිබෙනවා.
නැවේ විනාශයට වඩා පියුමිව හොයලා
මෙවන් පසුබිමක් මත, මෙරට ප්රජාව ගූගල් සෙවුම් යන්ත්රය හරහා සොයා ඇති වචන පිළිබඳ විස්තර කරන අදාළ සඟරාව අනාවරණය කරන්නේ ගිලෙමින් පවතින නෞකාව පිළිබඳ සොයා ඇති සෙවුම් වාර ගණනට වඩා වැඩි වාර ගණනක් මෙරට ජනතාව පියුමි හංසමාලි සහ චන්දිමාල් ජයසිංහ පිළිබඳ සෙවුම් සිදුකර ඇති බවයි.
මෙම ලිපිය “දි ඉකොනොමිස්ට්” සඟරාවේ මුද්රිත සංස්කරණයට මෙන්ම අන්තර්ජාල සංස්කරණයට ද ඇතුළත් කොට තිබෙනවා.
අදාළ ලිපිය එහි මුද්රිත සඟරාවේ 35 වැනි සහ 36 වැනි පිටුවල පළ කොට ඇත්තේ “Trouble in Sri Lanka – Push the boat out – An influencer’s rant overshadows an ecological disaster” යන සිරස්තල ඔස්සේ යි.
The economist also didn’t publshed picture of Express pearl ship. They only publshed pumi’s picture.ha…ha..ha