ජාත්‍යන්තර මාධ්‍යයේ අනුරගේ සම්ප්‍රාප්තිය ‘ වාමාශිංක දේශපාලනයේ අතිවිශිෂ්ට ජයක්’ ලෙස ලියවෙයි (ඡායාරූප)

මෙරට 09 වැනි විධායක ජනාධිපති අනුර කුමාර දිසානායක මහතාගේ ජයග්‍රහණය සම්බන්ධයෙන් ජාත්‍යන්තර මාධ්‍යයේ විශාල ඉඩකඩක් වෙන්ව තිබෙනවා.

ලොව ප්‍රධාන පෙළේ මාධ්‍ය රැසක් වාමාංශික දේශපාලනයක ආගමනයක් යනුවෙන් එය ශ්‍රී ලංකාවේ ජනාධිපතිවරණයේ නව ජනපති සම්ප්‍රාප්තිකයාව හඳුන්වා ඇති බවයි දක්නට ලැබෙන්නේ.

ඒ අතර ප්‍රධාන විදෙස් මාධ්‍යයන් වන BBC, Al JAZEERA, REUTERS, CNN, AP, SKY, THE HINDU, NDTV, THE GUARDIAN සහ Bloomberg පුවත් සේවයන් වනවා.

බීබීසී ප්‍රවෘත්ති සිය ශීර්ෂපාඨය ලෙස අනුර කුමාර දිසානායක මහතාගේ නව ජනපති සම්ප්‍රාප්තිකත්වය වාර්තා කර ඇත්තේ; ”Sri Lanka swears in new left-leaning president” යනුවෙන්.

ලිබරල්වාදී සහ වාමාංශික ප්‍රතිපත්ති මිශ්‍රව කාලයක් පුරා ශ්‍රී ලංකාවේ දේශපාලන තන්ත්‍රය සිදු කෙරුණු බවත් මෙවර වාමාංශික දේශපාලනය ඔටුනු පළඳා අවසන් බවත් බීබීසී පුවත් සේවය වාර්තා කර තිබෙනවා.

CNN පුවත් සේවය අනුර කුමාර දිසානායක මහතාගේ ජයග්‍රහණය පළ කර ඇත්තේ; ” ආර්ථිකය නිවැරදි කිරීම සඳහා ශ්‍රී ලාංකිකයන් මාක්ස්වාදී නැඹුරුවක් ඇති ‘දිසානායක’ ජනාධිපතිවරයා ලෙස තෝරා ගනී” යනුවෙන්. (Sri Lankans elect Marxist-leaning Dissanayake as president to fix economy)

රුසියානු නැඹුරුවක් සහිත රොයිටර්ස් පුවත් සේවය අනුර කුමාර දිසානායකගේ ජයග්‍රහණය වාර්තා කර ඇත්තේ; ‘Sri Lankans elect Marxist-leaning Dissanayake as president to fix economy” යනුවෙන් සී.එන්.එන් පුවත් සේවය වාර්තා කළ ශීර්ෂපාඨයම වීම ද විශේෂත්වයක්.

මේ අතර ජාත්‍යන්තර මූල්‍ය අරමුදල සහ ශ්‍රී ලංකාවේ ආර්ථිකය සම්බන්ධයෙන් වැඩි වශයෙන් සාකච්ඡා කරන පුවත් සේවයක් වන බ්ලූම්බර්ග් වෙබ් අඩවිය වෙනස් ආකාරයක ශීර්ෂපාඨයක් මේ සම්බන්ධයෙන් වාර්තා කර තිබෙනවා.

ඔවුන් පවසන්නේ ශ්‍රී ලංකාවේ ආර්ථිකය සහ අයි.එම්.එෆ් අර්බුදකාරී තත්ත්වයක පවතින අවස්ථාවක දී නව වාමාංශික ජනාධිපතිවරයෙකුගේ ආගමනය සිදු ව ඇති බවත්; ඔහු මෙම ජාත්‍යන්තර මූල්‍ය අරමුදල සමග ණය සහන ලබා දීම සම්බන්ධයෙන් යළිත් සාකච්ඡා කිරීමට සූදානමකින් සිටින බවටයි.

එය බ්ලූම්බර්ග් වාර්තා කර ඇත්තේ; ”Sri Lanka’s Leftist President Takes Office as IMF Worries Grow” යනුවෙන්.

ජාත්‍යන්තර මූල්‍ය අරමුදලේ ණය ප්‍රතිව්‍යූහගතකරණය සම්බන්ධ දරුණු කප්පාදු පියවර මගින් ජාතිය බංකොලොත් කිරීම සහ ආර්ථික වේදනාවන් ඇති කිරීම සම්බන්ධයෙන් ඡන්දදායකයින් දොස් පැවරූ රටේ ප්‍රභූන් නෙරපා හරිමින්, අතිවිශිෂ්ට මැතිවරණ ජයග්‍රහණයකින් පසු ශ්‍රී ලංකාවේ නව වාමාංශික ජනාධිපතිවරයා අද දිවුරුම් දුන් බවටයි එම විදෙස් මාධ්‍ය සිය ප්‍රවෘත්තියෙහි සඳහන් කරන්නේ.