පෘතුගාල පාපන්දු කණ්ඩායමේ නව පුහුණුකරු ජෝර්ජ් ජේසුස් (Jorge Jesus) විසින් නම් කරන ලද ඉදිරි තරගවාරය සඳහා නම් කරන ලද මූලික සංචිතයට ක්රිස්ටියානෝ රොනාල්ඩෝ ඇතුළත් කර ඇති බව විදෙස් මාධ්ය වාර්තා කරනවා.
ක්රිස්ටියානෝ රොනාල්ඩෝ පසුගිය ලෝක කුසලානයේ අත්විඳි පරාජයත් සමඟ ජාත්යන්තර පාපන්දු පිටියෙන් සමුගන්නා බවට නිවේදනය කළා.
රොනාල්ඩෝ මේ වන විට 41 හැවිරිදි වියේ පසු වනවා.
මේ අතර, සැප්තැම්බර් 24 වැනිදා ආරම්භ වන පෘතුගාලයේ ‘නේෂන්ස් ලීග්’ (Nations League) තරගාවලිය සඳහා තෝරාගෙන ඇති 25 දෙනෙකුගෙන් යුත් කණ්ඩායමට ද රොනාල්ඩෝද ඇතුළත් වී ඇති බවයි වාර්තා වන්නේ.
ලෝක කුසලාන තරගාවලියෙන් පසු පෘතුගාල පුහුණුකරු ධුරයෙන් ඉවත් වූ රොබටෝ මාටිනෙස් වෙනුවට ජෝර්ජ් ජේසුස් පත් කරනු ලැබුවා.
ජෝර්ජ් ජේසුස් පසුගිය රොනාල්ඩෝ ක්රීඩා කරන සෞදි ‘අල්-නස්ර්’ කණ්ඩායමේ පුහුණුකරු ලෙස කටයුතු කළ අතර, වසර හතකට පසු ‘අල්-නස්ර්’ කණ්ඩායම සෞදි ප්රෝ ලීග් (Saudi Pro League) ශූරතාව දිනා දීමට ඔවුන් දෙදෙනා ප්රබල දායකත්වයක් ලබා දුන්නා.
මේ අතර රොනාල්ඩෝගෙන්, තම රට වෙනුවෙන් දිගටම ක්රීඩා කරන්නේදැයි විමසූ විට ඔහු පවසා ඇත්තේ, “මම මගේ පවුලේ අය හමුවී සන්සුන් මනසකින් යුතුව ඉදිරි තීරණ ගනු ඇතී,” යනුවෙන් බව විදෙස් මාධ්ය වාර්තා කරනවා.
මීළග ගිම්හානයේ පැවැත්වෙන නේෂන්ස් ලීග් අවසන් තරගාවලියට පෙර රොනාල්ඩෝට වයස අවුරුදු 42ක් සම්පූර්ණ වන අතර, ‘යුරෝ 2028’ (Euro 2028) තරගාවලිය වන විට ඔහුට වයස අවුරුදු 43ක් වනවා.
