ජාත්‍යන්තර ටෙස්ට් පිටියේ ජෝ රූට්ගෙන් වාර්තාවක්

ජාත්‍යන්තර ටෙස්ට් ක්‍රිකට් පිටියේ වැඩිම ලකුණු රැස්කරගත් පිතිකරුවන්ගේ ලැයිස්තුවේ තෙවන තැනට පැමිණීමට එංගලන්ත පිතිකරු ජෝ රූට් අද (25) සමත් වුණා.

ඒ, ඉන්දියාව සමඟ මේ වනවිට පැවැත්වෙන සිව්වන ටෙස්ට් ක්‍රිකට් තරගයේදීයි.

ජෝ රූට් මේ දක්වා ටෙස්ට් ලකුණු 13290*ක් රැස්කරගෙන ඇති අතර, ඒ සඳහා ඔහු තරග 157ක් ක්‍රීඩා කර තිබෙනවා.

මීට පෙර ජාත්‍යන්තර ටෙස්ට් ක්‍රිකට් පිටියේ වැඩිම ලකුණු රැස්කරගත් පිතිකරුවන්ගේ ලැයිස්තුවේ තෙවන තැන දකුණු අප්‍රිකාවේ හිටපු තුන් ඉරියව් ක්‍රීඩක ජැක් කාලීස් පසු වුණා.

ජැක් කාලීස් ජාත්‍යන්තර ටෙස්ට් පිටියේ තරග 166ක් ක්‍රීඩා කරමින් ලකුණු 13289ක් රැස්කරගෙන තිබෙනවා.

මෙම පිතිකරුවන්ගේ ලැයිස්තුවේ දෙවන තැන ඕස්ට්‍රේලියාවේ රිකි පොන්ටිං රැඳී සිටින අතර ඔහු රැස්කරගෙන ඇති ටෙස්ට් ලකුණු සංඛ්‍යාව 13,378ක්.

මෙම ලයිස්තුවේ පළමු තැන ඉන්දියාවේ සචින් තෙන්ඩුල්කාර් පසුවන්නේ ලකුණු 15,921ක් රැස්කර ගනිමින්.