අත්අඩංගුවෙන් මිදී පළාගිය සැකකරුවෙක් අත්අඩංගුවට ගැනීමට යෑමේදී ජාඇලේ ගසාගෙන ගොස් ජීවිතක්ෂයට පත් වූ ක්‍රිෂ්ණමූර්ති ප්‍රතාපන් පොලිස් නිලධාරියාගේ අවසන් කටයුතු අද (26) සිදුකෙරුණා.
ඒ, චාවකච්චේරිය පොලිස් වසමේ කන්නාඩිපිටි පොදු සුසාන භූමියේ දීයි.
පූර්ණ රාජ්‍ය ගෞරව සහිතව මෙම අවසන් කටයුතු සිදුකළ බවයි අප වාර්තාකරු සඳහන් කළේ.
අවාසනාවන්ත ලෙස ජීවිතක්ෂයට පත් වූ මෙම පොලිස් නිලධාරියාගේ දේහයට අවසන් ගෞරව දැක්වීමට ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් ඇතුළු පොලිස් නිලධාරීන් රැසක් එක්ව සිටියා.
පසුගිය 23 වනදා මෙලෙස අවාසනාවන්ත ලෙස මියගිය ජාඇල පොලිස් ස්ථානයට අනුයුක්තව ආධුනික පොලිස් නිලධාරියෙක් ලෙස සේවය කළ ක්‍රිෂ්ණමූර්ති ප්‍රතාපන්, පොලිස් සැරයන් තනතුර දක්වා උසස් කෙරුණා.
උඹ වීරයෙක් මල්ලී