ගාල්ල ජාත්‍යන්තර ක්‍රිකට් ක්‍රීඩාංගනයේ පැවති ශ්‍රී ලංකාව සහ ඉන්දියාව අතර පළමු ටෙස්ට් තරගය ජය ගැනීමට ඉන්දීය කණ්ඩායම අද (19) සමත් වුණා.
ඒ ශ්‍රී ලංකා කණ්ඩායම ලකුණු 165කින් පරාජය කරමින්.
මේ අතර තරගය ජය ගැනීමෙන් අනතුරුව ඉන්දීය කණ්ඩායමේ කඩුලු රකින ක්‍රීඩක රිශාබ් පාන්ට් විසින් සිය මුහුණු පොත සටහනක් එක්කරමින් ගාල්ල ජාත්‍යන්තර ක්‍රිකට් ක්‍රීඩාංගනයේ කාර්ය මණ්ඩලයට ස්තූතිවන්ත වී තිබෙනවා.
තරගයට දිගින් දිගටම වර්ෂාවෙන් බාධා ඇති වුවද ක්‍රීඩාංගනයේ කාර්ය මණ්ඩලය නිරම්න්තරයෙන් ක්‍රීඩාංගණය සූදානම්ව තබා ගනිමින් තරගය අඛණ්ඩව පැවැත්වීමට කටයුතු කළ බවයි රිශාබ් පාන්ට් සිය සටහනේ සඳහන් කර ඇත්තේ.
”අගනා ජයක්, සැමටම සුබ පැතුම්. එමෙන්ම, වැසි මධ්‍යයේ නොසැලී වෙහෙස මහන්සි වී ක්‍රීඩාංගණය සූදානම්ව තබා ගනිමින් තරගය අඛණ්ඩව පැවැත්වීමට කටයුතු කළ ගාල්ල ක්‍රීඩාංගණ කාර්ය මණ්ඩලයට විශේෂ ස්තූතියක් පුද කරමි” යැයි පාන්ට් සිය සටහනේ සඳහන් කර තිබෙනවා.
