ශ්රී ජයවර්ධනපුර විශ්වවිද්යාලයීය මහා ශිෂ්ය සංගමය අද (05) කොළඹ දී විරෝධතාවක නිරත වුණා.
විරෝධතාකරුවන් පා ගමනින් විහාරමහා දේවී උද්යානයේ ඉදිරිපිට සිට විශ්වවිද්යාල ප්රතිපාදන කොමිෂන් සභාව වෙත පැමිණි බවයි වාර්තා වන්නේ.
උපකුලපති, විගණකාධිකාරී, කළමනාකරණ පීඨාධිකාරීන්ගේ වුවමනාව මත ශිෂ්ය සංගම් මර්දනය කිරීම සඳහා කුමන්ත්රණකාරී වැඩපිළිවෙළක් ක්රියාත්මක කිරීම වහා හකුළා ගන්නා ලෙස බලකරමින් මෙම විරෝධතාව පැවැත්වුණා.
කළමනාකරණ පීඨයේ සිසුන්ට පනවා ඇති අසාධාරණ පන්ති තහනම ඉවත් කළ යුතු බව ද විරෝධතාවේ නිරත සිසුන් ප්රකාශ කළ අතර විශ්වවිද්යාල ප්රතිපාදන කොමිෂන් සභාව අසලට පැමිණි සිසුන් අතරින් සිසුන් 6 දෙනෙකුට ඉහළ නිලධාරීන් සමග සාකච්ඡාවක නිරත වීමට ද අවස්ථාව හිමි වූ බවයි පැවසෙන්නේ.
