Rajapura Handi Oil
Rajapura Diabetic Powder

ජපාන හිටපු අගමැතිට වෙඩි ප්‍රහාරයක්

ජපානයේ හිටපු අගමැති ෂින්සෝ අබේ හට වෙඩි ප්‍රහාරයක් එල්ලවී ඇති බව වාර්තා වනවා.

විදෙස් මාධ්‍ය වාර්තා කරන්නේ බටහිර නාරා නගරයේ දී ඔහු විසින් කතාවක් කරමින් සිටිය දී, මෙම ප්‍රහාරය එල්ල වූ බවයි.

67 හැවිරිදි වියේ පසුවන ෂින්සෝ අබේගේ පපු ප්‍රදේශයට වෙඩි වැදී ඇති බව ජාතික විකාශක NHK ප්‍රකාශ කළා.

වෙඩි වැදීමෙන් පසු හෙලිකොප්ටරයකින් ඔහු රෝහල් ගත කර ඇති බවයි ජපාන මාධ්‍ය වැඩිදුරටත් කරුණු වාර්තා කර තිබුණේ.

සිද්ධිය සම්බන්ධයෙන් මේ වන විටත් සැකකරුවෙකු අත්අඩංගුවට ගෙන ඇති බවයි වාර්තා වන්නේ.

සැකකරු 40 හැවිරිදි වියේ පසුවන අයෙක් බවයි වාර්තා වුණේ.