ජපානයේ විදේශ රැකියා දෙන බව පවසමින් පුද්ගලයින් 20 දෙනෙකුට රුපියල් කෝටි 02කට වැඩි මුල්‍ය වංචාවක් සිදුකළ පුද්ගලයෙකු කඩුගන්නාව පොලිසිය මගින් අත්අඩංගුවට ගෙන තිබෙනවා.
සැකකරු පිළිමතලාව ඌරාපොල ප්‍රදේශයේ පදිංචි 41 හැවරිදි අයෙක්.
ඔහු ඌරාපොල ප්‍රදේශයේ විහාරස්ථානයක හිමි නමක් ලෙස වැඩසිටි කාලය තුළ විවිධ පුද්ගලයින්ගෙන් මුදල් ලබා ගෙන ඇති බව පොලිස් පරීක්ෂණවලදී අනාවරණය වුණා.
සැකකරු ජපානයේ රැකියා ලබාදෙන බව පවසමින් රුපියල් ලක්ෂ 6 සිට ලක්ෂ 14 දක්වා පුද්ගලයින්ගෙන් මුදල් වංචා කර ඇති බවයි පොලිසිය පැවසුවේ.
ඔහු අද මහනුවර මහේස්ත්‍රාත් අධිකරණයට ඉදිරිපත් කිරීමට නියමිතයි.
