ජපානයේ දුම්රියක් තුළ කාන්තාවක් සිදු කළ පිහි ඇනුමකින් 4 දෙනෙකු තුවාල ලබා තිබෙනවා.
JR Okachimachi සහ Akihabara දුම්රිය ස්ථාන අතර දුම්රිය ධාවනය වෙමින් තිබියදී පිහි අනුම සිදුව ඇති අතර ඒ සම්බන්ධයෙන් සැකපිට 20 හැවිරිදි තරුණියක් අත්අඩංගුවට ගෙන ඇති බවයි විදෙස් මාධ්ය වාර්තා කළේ.
ජපානයේ වේලාවෙන් ඊයේ (03) රාත්රී 11ට පමණ සිද්ධිය සම්බන්ධයෙන් තමන්ට වාර්තා වූ බව ටෝකියෝ පොලිසිය ප්රකාශ කළා.
පිහි අනුමෙන් පසු මෙම කාන්තාව මගීන්ට පහර දී ඇති අතර, පහර දුන් අය ඇය නොදන්නා බව පොලිසිය සඳහන් කර තිබෙනවා.
විමර්ශනවල දී සැකකාරිය පොලිසියට පවසා ඇත්තේ ඇයට “මිනිසුන් මරා දැමීමට” අවශ්ය වූ බවයි. ඇයගේ බෑගයේ තිබී තවත් පිහියක් හමුවී ඇතැයි ද ජපාන පුවත් සේවා වාර්තා කළා.
Kyodo ප්රවෘත්ති ඒජන්සිය වාර්තා කළේ මියගිය කිසිවකුට ජීවිත තර්ජනාත්මක තුවාල සිදුවී නොමැති බවයි.
මිය ගිය කිසිවෙකුට ජිවිත තර්ජනාත්මක තුවාල සිදුවී නැත කියන එක පොඩ්ඩක් තෙරෙන්නෙ නැති ගතියක් තියනවා. පැහැදිලි කරන්න පුලුවන්ද.