පසුගිය වසරේ ජූනි මාසයේ දී පිහි ප්‍රහාරයකින් ජපන් කාන්තාවක් සහ ඇගේ දරුවා තුවාල කර ඔවුන් ආරක්ෂා කිරීමට උත්සාහ කළ බස් රථ සේවකයෙකු මරා දැමූ චීන ජාතිකයෙකුට මරණ දඬුවම නියම කර ඇති බව ජපාන නිලධාරියෙකු උපුටා දක්වමින් CNN වාර්තා කරනවා.
චීනයේ Suzhou හි අධිකරණයක් මෙලෙස මරණ දඩුවම නියම කර තිබුණේ 52 හැවිරිදි චීන ජාතිකයෙකුටයි.
ජපන් මව පාසලක් අසල බස් නැවතුම්පොළක තම දරුවා රැගෙන යමින් සිටියදී මෙම ප්‍රහාරයට ලක්ව තිබෙනවා.
ප්‍රහාරයේදී මව සහ දරුවා ජීවිත තර්ජනාත්මක නොවන තුවාල ලබා ඇති නමුත් ප්‍රහාරකයා නැවැත්වීමට උත්සාහ කළ චීන බස් සේවිකාවක් පසුව ඇයට එල්ල වූ ප්‍රහාර හේතුවෙන් සිදු වූ තුවාල හේතුවෙන් මියගිය බව CNN වාර්තාවේ දැක්වුණා.
