2024 ජනාධිපතිවරණය සඳහා ඉදිරිපත් වූ අපේක්ෂකයින්ගෙන් අටදෙනෙකු මැතිවරණ ප්රචාරක ආදායම් සහ වියදම් වාර්තා ඊයේ (10) දිනය වනවිට භාර දී ඇති බව මැතිවරණ කොමිෂන් සභාව දැනුම් දෙනවා.
2023 අංක 03 දරණ මැතිවරණ වියදම් නියාමනය කිරීමේ පනත යටතේ මැතිවරණ ප්රචාරක ආදායම් සහ වියදම් වාර්තා ප්රතිඵල ප්රකාශයට පත්කර දින 21ක් තුළ මැතිවරණ කොමිෂන් සභාවට භාරදිය යුතු වනවා.
ඒ, අනුව මෙවර ජනාධිපතිවරණය සඳහා ඉදිරිපත් වූ අපේක්ෂකයින් සඳහා ලබා දී තිබූ එම කාලය අනිද්දා (13) දිනයෙන් අවසන් වනවා.
කෙසේ වෙතත් මෙවර ජනාධිපතිවරණය සඳහා ඉදිරිපත් වූ ප්රධාන පෙළේ අපේක්ෂකයින් කිසිවෙක් තවමත් එම ආදායම් සහ වියදම් වාර්තා භාරදීමට කටයුතු කර නැහැ.
