අද වන විට රටේ ඇත්තේ ජනතාව අතරට යන්නට බය වෙලා සිටින ජනාධිපතිවරයෙක් සහ බියගුලු, නිවට ආණ්ඩුවක් බව විපක්ෂ නායක සජිත් ප්රේමදාස පවසනවා.
පළාත් සභා ඡන්දය පැවැත්වීමට මැළිකමක් දැක්වීම තුළින් එම බියගුලුභාවය සහ නිවටභාවය ඉස්මතු වන බවයි විපක්ෂ නායකවරයා පෙන්වා දෙන්නේ.
විපක්ෂ නායක සජිත් ප්රේමදාස, මේ බව කියා සිටියේ ‘පළාත් සභා කල් දමන බියගුළු අනුරගේ වියරුව පරදවමු’ යන තේමා පෙරටු කර ගනිමින් හිටපු පළාත් සභා මන්ත්රීවරුන් සමඟ විපක්ෂ නායක කාර්යාලයේ දී පැවැති හමුවක් අමතමින්.
රටේ ජනතාව තමන්ගේ හඩ තුළින්, රට අවධි කරන්න සූදානම් බවත් මේ අවස්ථාවේ ඒ සඳහා ඇති හොඳම ක්රමය වන්නේ පළාත් සභා ඡන්දය බවයි විපක්ෂ නායකවරයා සඳහන් කළේ.
ජනතාවගේ ජනදුක, පීඩනයට, අසහනයට දුකට වේදනාවට කණගාටුවට පිළිතුරු දෙන්න ජනතාව සූදානමින් සිටින බවත් වත්මන් ජනාධිපතිවරයාට සහ රජයට ජනතාවට කුමක් වුවත් ඔවුන්ගේ හිතුමතේට දේවල් කරන නිසා ජනතාව මොවුන්ට පාඩමක් උගන්වන්න සූදානම් බවත් විපක්ෂ නායකවරයා වැඩිදුරටත් පෙන්වා දුන්නා.
එබැවින් රටේ ජනතාව දැන්වත් පාඩමක් ඉගෙන ගෙන ඉදිරියට එන ආණ්ඩුවලට රැල්ලට ගොස් ඡන්දය ලබා දෙනවා වෙනුවට යම්කිසි පාර්ශ්වයක් ජයග්රහණය කරන්න අවශ්ය නම් සාධාරණ බහුතරයක් ඇති අයට වරමක් ලබා දිය යුතු බවත් එසේ නොමැති වූ විට සිදුවන්නේ අසීමිත බලයක් තුළ බල උන්මාදයෙන් පිස්සු වැටී රට අවුල් කරන, තමන් ගැන පමණක් සිතා තීන්දු ගන්නා වැරදි රටාවක් නිර්මාණය වීම නිසා, ඊළග මැතිවරණයේ දී හෝ මේ වැරදි ක්රමවේදයට තිත තැබිය යුතු බවත් විපක්ෂ නායකවරයා පවසා සිටියා.
😂😂😂
සජිය හිරු ටීවී විතරයිනෙ බලන්නෙ.
ඒකයි එහෙම කියන්නෙ..