ජනාධිපතිවරණය ආසන්නයේ දී ඇතැම් මහජන නියෝජිතයන් විසින් අල්ලස් ලබාගැනීම සහ රාජ්ය බලය අවභාවිත කිරීම සම්බන්ධයෙන් මැතිවරණ නිරීක්ෂකයින් අවධානය යොමු කර තිබෙනවා.
පැෆ්රල් සංවිධානයේ විධායක අධ්යක්ෂ රෝහණ හෙට්ටිආරච්චි සඳහන් කළේ මේ වන විට මූලික වශයෙන් රාජ්ය බලය සහ දේපළ අවභාවිතය සම්බන්ධයෙන් පැමිණිලි 84ක් ලැබී ඇති බවයි.
එමෙන්ම මැතිවරණ නීති උල්ලංඝණය කිරීම් සම්බන්ධයෙන් පැමිණිලි 44ක් ලැබී ඇති බව ප්රජාතන්ත්රවාදී ප්රතිසංස්කරණ හා මැතිවරණ අධ්යයන ආයතනයේ විධායක අධ්යක්ෂ මංජුල ගජනායක සඳහන් කළා.
මීට අමතරව, ජනාධිපතිවරණයට අදාළව පැමිණිලි 09ක් පොලිස් මෙහෙයුම් මැදිරියට ලැබී ඇති අතර, මැතිවරණ නීති උල්ලංඝණය කිරීම් සම්බන්ධයෙන් පැමිණිලි 04ක් සහ ප්රචණ්ඩ ක්රියා සම්බන්ධ පැමිණිලි 05ක් ඊට ඇතුළත්.
ජාතික මැතිවරණ කොමිෂන් සභාවට ද සැලකිය යුතු පැමිණිලි සංඛ්යාවක් වාර්තා වී ඇති අතර, එම සංඛ්යාව 320ක්.
ඉන් පැමිණිලි 103ක් දිස්ත්රික් මැතිවරණ පැමිණිලි කළමනාකරණ මධ්යස්ථානය වෙත ලැබී ඇති අතර, ඉතිරි පැමිණිලි 214 ජාතික මැතිවරණ පැමිණිලි කළමනාකරණ මධ්යස්ථානය වෙත වාර්තා වී තිබෙනවා.
