2025 වසරේ ජනවාරි මාසයේ සිට අප්රේල් මාසය දක්වා වන අතුරු සම්මත ගිණුමක් සකස් කිරීමට අමාත්ය මණ්ඩලයේ අනුමැතිය ලබා දී තිබෙනවා.
මේ වනසිට පැවැත්වෙන අමාත්ය මණ්ඩල තීරණ දැනුම්දීම මාධ්ය හමුවේ දී කැබිනට් මාධ්ය ප්රකාශක අමාත්ය නලින්ද ජයතිස්ස මේ බව සඳහන් කළා.
අදාළ අතුරු සම්මත ගිණුම සඳහා වන පාර්ලිමේන්තු විවාදය දෙසැම්බර් 05 සහ 06 යන දිනවල දී පැවැත්වීමටයි දින නියමව ඇත්තේ.
මෙම වසරේ ඉදිරි කාලය තුළ ඇතැම් අත්යවශ වියදම් දැරීම හා ගිණුම්ගත කිරීම සඳහා අවශ්ය වන ප්රතිපාදන, පරිපූරක ඇස්තමේන්තුවක් මගින් සලසා ගත යුතුව ඇති බැවින් ඒ සඳහා හඳුනාගනු ලැබූ ඇතැම් වියදම් 2024 අනුමත විදයම් ඇස්තමේන්තු සීමාව තුළ ප්රතිපාදන ගැලපීම මගින් සිදුකිරීමට හැකියාව පවතින බව ද ඔහු මෙහිදී පැවසුවා.
ඒ, අනුව රුපියල් මිලියන 219,373ක් සඳහා වන පරිපූරක ඇස්තමේන්තුවක් සඳහා වන යෝජනා සම්මතයක් මගින් පාර්ලිමේන්තුව වෙත ඉදිරිපත් කිරීමට මුදල් අමාත්යවරයා ලෙස ජනාධිපතිවරයා විසින් ඉදිරිපත් කළ යෝජනාවට අනුමැතිය ලැබී තිබෙනවා.
