ජනප්‍රිය නළුවාගේ දොස්තර බිරිඳ ගුවන්තොටේ දී අත්අඩංගුවට

මෙරට ජනප්‍රිය නළුවෙකු සහ රූපවාහිනී නිවේදකයෙකුගේ බිරිඳ බව පවසන කාන්තාවක් කටුනායක ගුවන් තොටුපොළේ දී අත්අඩංගුවට ගෙන ඇති බව වාර්තා වනවා.

මෙම කාන්තාව ඉන්දියාවේ සිට මෙරටට පැමිණි අවස්ථාවේ දී ඊයේ (05) ආගමන විගමන දෙපාර්තමේන්තු නිලධාරීන් විසින් අත්අඩංගුවට ගෙන කටුනායක ගුවන් තොටුපොළ පොලිසිය වෙත භාර දී තිබෙනවා.

මූල්‍ය වංචා පිළිබඳව කොළඹ කොටුව මහේස්ත්‍රාත් අධිකරණය විසින් ඇයට ගුවන් ගමන් තහනමක් පනවා ඇති බවට ද තොරතුරු වාර්තා වනවා.

වෛද්‍යවරියක බව පවසන 37 හැවිරිදි මෙම කාන්තාව කුරුණෑගල ප්‍රදේශයේ පදිංචිකාරිනියක්.

ඇය ඊයේ (05) ඉන්දියාවේ නවදිල්ලි නුවර සිට ශ්‍රී ලන්කන් ගුවන් සේවයේ යූ.එල්.- 192 දරණ ගුවන් යානයෙන් කටුනායක ගුවන් තොටුපොළ වෙත පැමිණමින් සිටිය දී මෙලෙස අත්අඩංගුවට ගෙන තිබෙනවා.

අත්අඩංගුවට ගැනුණු කාන්තාව ගුවන් තොටුපොළ පොලිසිය විසින් කොල්ලුපිටිය පොලිසිය වෙත ඉදිරි නීතිමය ක්‍රියාමාර ගැනීම සඳහා භාර දී ඇති බවයි වාර්තා වුණේ.