ජනාධිපති රනිල් වික්රමසිංහ මහතා සහ විශ්වවිද්යාල ආචාර්යවරුන්ගේ සමිති සම්මේලනය අතර සාකච්ඡාවක් අද (13) පස්වරුවේ ජනාධිපති කාර්යාලයේ දී සිදු වී තිබෙනවා.
විශ්වවිද්යාල ආචාර්යවරුන්ට ලබා දෙනු ලබන අධ්යයන පර්යේෂණ දීමනාව වැඩිකර ගැනීම හා එම දීමනාව දැනට ක්රියාත්මක කරනු ලබන උපයන විට අයකරනු ලබන බද්දෙන් නිදහස් කර ගැනීම ඇතුළු කරුණු පිළිබඳ මෙහිදී සාකච්ඡාවට ලක් වූ බවයි ජනාධිපති මාධ්ය අංශය සඳහන් කළේ.
රටේ සියලුම ජනතාව මුහුණදී සිටින ආර්ථික අසීරුතාව පිළිබඳ රජයට මනා අවබෝධයක් ඇති බවත් පවතින ආර්ථික ගැටලු කඩිනමින් නිරාකරණය කර ගනිමින් සියලු ජනතාව වෙත සහන සැලසීම රජයේ අරමුණ බවත් ජනාධිපතිවරයා මෙහිදී ප්රකාශ කළා.
මෙම අධ්යයන පර්යේෂණ දීමනාව ඉල්ලා සිටින පරිදි ලබා දීමට දැනට පවතින චක්රලේඛ අනුව ප්රතිපාදන නොමැති වුවත්, එය පවතින බදු ප්රතිපත්ති වලින් නිදහස් කර ගෙවීම සම්බන්ධයෙන් වෙනත් චක්රලේඛයක් නිකුත් කිරීමට ඇති හැකියාව සොයා බලා සති 03ක් ඇතුළත තමා වෙත වාර්තා කරන ලෙසටයි ජනාධිපතිවරයා මෙහිදී නිලධාරීන්ට උපදෙස් දුන්නේ.
විශ්වවිද්යාල ප්රතිපාදන කොමිෂන් සභාව අහෝසි කර සමස්ථ විශ්වවිද්යාල පද්ධතියේ පරිපාලනය කැලිෆෝනියා සහ බීජිං විශ්වවිද්යාල ක්රමවේදය අනුව සකස් කිරීමට ඇති හැකියාව සම්බන්ධයෙන් අධ්යයනයක් සිදු කරන බව ද ජනාධිපති රනිල් වික්රමසිංහ මහතා වැඩිදුරටත් සඳහන් කළා.
