උතුරු පළාත් රැකියා විරහිත උපාධිධාරීන් අද (31) පෙරවරුවේ උද්ඝෝෂණය නිරත වුණා.
යාපනය දිස්ත්‍රික් ලේකම් කාර්යාලය ඉදිරිපිට ඔවුන් මෙලෙස විරෝධතාවයේ නිරත වූ අතර, එම අවස්ථාවේ දී ජනාධිපති අනුර කුමාර දිසානායක එම කාර්යාලය තුළ යාපනය දිස්ත්‍රික් සම්බන්ධීකරණ කමිටු රැස්වීම සඳහා සහභාගීව සිටියා.
මෙතෙක් පැවති රජයන් විසින් උතුරු පළාතේ රැකියා විරහිත උපාධිධාරීන් වෙනුවෙන් රජයේ රැකියා ලබාදීම පැහැරහැර ඇති බැවින්, තමන්ට ඉන් මහත් අසාධාරණයක් සිදුව ඇති බවයි උද්ඝෝෂණයේ නිරත පිරිස් සඳහන් කළේ.
උතුරු පළාත් රැකියා විරහිත උපාධිධාරීන් විශාල ප්‍රමාණයකට මේ වන විටත් වසර ගණනක සිට ස්ථීර රැකියාවක් නොමැතිව පීඩා විඳින බැවින් උපාධිධාරීන් වෙනුවෙන් වත්මන් රජයේ අවධානය යොමු කොට රැකියා තමන්ට සාධාරණයක් ඉටු කරන ලෙසයි උද්ඝෝෂකයින් ජනතාවගෙන් ඉල්ලා සිටියේ.
