මැතිවරණ කොමිෂන් සභාවට අතුරු නියෝගයක් නිකුත් කරන ලෙස ඉල්ලා ව්යවසායකයෙකු ගොනු කළ පෙත්සම පස්දෙනෙකුගෙන් සමන්විත විනිසුරු මඩුල්ලක් හමුවේ ශ්රේෂ්ඨාධිකරණයේ දී අද (08) සලකා බැලීමට නියමිතයි.
ව්යවසායක දයාන් ලේනව විසින් ගොනු කර ඇති මෙම පෙත්සම අගවිනිසුරු ජයන්ත ජයසූරිය, විජිත් මලල්ගොඩ, මුර්දු ප්රනාන්දු, ප්රීති පද්මන් සූරසේන සහ එස්.තුරෙයිරාජා යන විනිසුරු මඩුල්ල හමුවේ කැඳවීමට නියමිතව තිබෙනවා.
ජනාධිපතිවරයාගේ ධුර කාලය සම්බන්ධයෙන් ශ්රේෂ්ඨාධිකරණය අර්ථකථනයක් ලබාදෙන තුරු මැතිවරණ කොමිසමට ජනාධිපතිවරණය පැවැත්වීම වළක්වාලමින් අතුරු නියෝගයක් නිකුත් කරන ලෙස පෙත්සම්කරු ශ්රේෂ්ඨාධිකරණයෙන් ඉල්ලා සිටිනවා.
ආණ්ඩුක්රම ව්යවස්ථාවේ 19 වැනි සංශෝධනය යටතේ ආණ්ඩුක්රම ව්යවස්ථාවේ 82(6) ව්යවස්ථාවේ 30(2) ව්යවස්ථාවේ ජනාධිපතිවරයාගේ ධුර කාලය නිසි පරිදි සංශෝධනය කර නොමැති බව පෙත්සම මගින් පෙන්වා දෙනවා.
මෙම පෙත්සම විභාගයට ගෙන තීන්දුවක් ගන්නා තුරු මැතිවරණ කොමිසමේ සභාපතිවරයාට, මැතිවරණ කොමිසමේ සාමාජිකයන්ට මෙන්ම මැතිවරණ කොමසාරිස් ජනරාල්වරයාට මැතිවරණය පැවැත්වීම වළක්වමින් ශ්රේෂ්ඨාධිකරණයෙන් නියෝගයක් නිකුත් කරන ලෙස පෙත්සම්කරු මෙහිදී ඉල්ලා සිටිනවා.
ජනාධිපතිවරයාගේ ධූර කාලය වසර 06ක් බව තීරණය කරන ලෙසත්, මෙම කාලසීමාව අවසන් වීමෙන් පසු මැතිවරණය පවත්වන ලෙස මැතිවරණ කොමිසමට නියෝග කරන නියෝගයක් නිකුත් කරන ලෙසත් මෙම පෙත්සම මගින් අධිකරණයෙන් ඉල්ලා තිබෙනවා.
මේ අතර ව්යවසායක දයාන් ලේනව විසින් ගොනු කර ඇති මෙම පෙත්සමට එරෙහිව තවත් පාර්ශ්ව කිහිපයක් අධිකරණය හමුවේ පෙත්සම් ගොනු කිරීමට පසුගිය සතියේ කටයුතු කළා.
