පසුගියදා සහල් මෝල් හිමියන් සමග සිදු කළ සාකච්ඡාවෙන් අනතුරුව ජනාධිපති අනුර කුමාර දිසානායක මහතා දුන් උපදෙස් අනුව ලැබුණු සහල් මිල ගණන් යටතේ වන සහල් තොග අද (09) වෙළෙඳසැල් වෙත ගෙනැවිත් බාන අයුරු වාර්තා වනවා.
දසත ප්‍රාදේශීය වාර්තාකරු පැවසුවේ නාරාහේන්පිට ආර්ථික මධ්‍යස්ථානය වෙත ජනපති දුන් මිල ගණන් අනුව සහල් තොග පැමිණි බවයි.
මේ වන විට තමන් සහල් තොග ඇනවුම් කර ඇති බවත් මේ වන විට කීරි සම්බා සහල් තොග පැමිණ ඇති බවත් වෙළෙඳසැල් හිමියන් ප්‍රකාශ කළා.
තව දින කිහිපයක් තුළ දී අනික් සහල් තොග ද මෝල් වෙතින් පැමිණෙන බවයි වාර්තා වන්නේ.
