ශ්රී ලංකා පොදුජන පෙරමුණේ ජනාධිපතිවරණ අපේක්ෂක, පාර්ලිමේන්තු මන්ත්රී නාමල් රාජපක්ෂ මහතා ඇතුළු පිරිසකට එරෙහිව ඉදිරිපත් කර ඇති පැමිණිල්ලක් ලබන වසරේ පෙරබරවාරි මස 13 වැනිදා කැඳවන ලෙස කොළඹ ප්රධාන මහේස්ත්රාත් තිළිණ ගමගේ මහතා නියෝග කර තිබෙනවා.
ප්රධාන මහේස්ත්රාත්වරයා එම නියෝගය කළේ අද (05) කොළඹ ප්රධාන මහෙස්ත්රාත් අධිකරණය හමුවේ නඩුව කැඳවනු ලැබු අවස්ථාවේදී යි.
නඩුව කැඳවු අවස්ථාවේ දී නාමල් රාජපක්ෂ මහතා අධිකරණය හමුවේ පෙනී සිටියා.
නාමල් රාජපක්ෂ මහතා මන්ත්රීවරයෙකු වශයෙන් කටයුතු කරමින් අයථා ලෙස උපයාගත් රුපියල් මිලියන 15ක මුදලක් හෙලෝකෝප් සමාගමේ ආයෝජනය කිරීම සම්බන්ධයෙන් පසුගිය යහපාලන රජය සමයේ මෙම පැමිණිල්ල ඉදිරිපත්ව තිබුණා.
එහිදී විමර්ශන සිදු කළ අපරාධ පරීක්ෂණ දෙපාර්තමේන්තුව අධිකරණයට දැනුම් දී ඇත්තේ මෙම විමර්ශනයට අදාළ උද්ධෘත සියල්ල උපදෙස් ලබා ගැනීම සඳහා නීතිපතිවරයා වෙත යොමු කර ඇති බවයි.
එහිදී නීතිපති උපදෙස් මෙතෙක් ලැබී නොමැති බව පොලිසිය අධිකරණය ඉදිරියේ දැනුම් දෙනු ලැබුවා.
පසුව අදාළ පැමිණිල්ල පෙබරවාරි මස 13 වැනිදා යළි කැඳවීමට නියෝග කළ මහෙස්ත්රාත්වරයා එදින මෙම කටයුතුවල ප්රගතිය දැනුම්දෙන ලෙස අපරාධ පරික්ෂණ දෙපාර්තමේන්තුවට නියෝග කළා.
wpDiscuz
