මෙවර ජනාධිපතිවරණය සඳහා ඉදිරිපත්ව සිටින අපේක්ෂකයින් සිව්දෙනෙක් සහභාගීවීමට සිටි විවාදය මේ වනවිට ආරම්භ වී තිබෙනවා.
කෙසේ මෙම විවාදය සඳහා මේ වනවිට එක්ව සිටින්නේ ජනාධිපති ධුර අපේක්ෂක ව්යවසායක දිලිත් ජයවීර මහතා පමණයි.
අද (07) දිනයේ පැවැත්වෙන මෙම විවාදයට ජනාධිපති ධුර අපේක්ෂකයින්වන සජිත් ප්රේමදාස මහතා, නාමල් රාජපක්ෂ මහතා සහ අරියනේත්රන් පාක්කියසෙල්වම් මහතා ද සහභාගීවන බවට තහවුරු කර තිබුණා.
කෙසේ වෙතත් පස්වරු 3.00ට ආරම්භවීමට නියමිතව තිබූ විවාදය සඳහා මේ වනවිට සජිත් ප්රේමදාස මහතා සහ අරියනේත්රන් පාක්කියසෙල්වම් මහතා එම ස්ථානයට පැමිණ නොමැති බවයි වාර්තා වුණේ.
ශ්රී ලංකා පොදුජන පෙරමුණේ ජනාධිපති අපේක්ෂක නාමල් රාජපක්ෂ මහතා ද විවාදයට පැමිණ නොමැති අතර, විපක්ෂ නායකවරයා මෙම විවාදය සඳහා නොපැමිණීම හේතුවෙන් ඔහු ද මෙම විවාදය සඳහා එක් නොවන බවටයි තොරතුරු අනාවරණය වුණේ.
රට ගොඩගන්නේ කෙසේද ? යන්න තේමාව ඔස්සේ පැවැත්වෙන මෙම විවාදය ‘මාර්තු 12 ව්යාපාරය’ විසින් සංවිධානය කර තිබෙනවා.
විවාදය පහතින් සජීවීව නරඹන්න..
මෙයට සම්බන්දවන ලෙස එකඟතාවයට පත් අනෙක් තිදෙනා මේ වනතුරු පැමිණ නැත.ඉතින් තව මොණ කතාද?ඒ අය කිසිවෙක් රාජ්ය පාලනය සඳහා සුදුස්සන් නොවේ.