කළුතර දිස්ත්රික් පාර්ලිමේන්තු මන්ත්රී ජගත් විතානට එල්ල වී ඇති මරණ තර්ජනය හමුවේ පොලිසිය ලබා දුන් ආරක්ෂාව පිළිබඳව පොලිස්පතිවරයා මාධ්යයට කළ ප්රකාශය සමගි ජන බලවේගයේ අවධානයට යොමුව තිබෙනවා.
දේශපාලනික නොවන කරුණු කාරණා මත මන්ත්රීවරයාට තර්ජන එල්ල වී ඇති බවත්, ඒ පිළිබඳව පරීක්ෂණ පවත්වන බවත් කරනු ලබන ප්රකාශය තුළ මන්ත්රීවරයා වෙනත් අනීතික ක්රියාවකට හෝ පෞද්ගලිකව ඉස්මතු වූ ක්රියාවකට හෝ තර්ජනයක් එල්ල වී ඇති බව හැගෙන බවයි නිවේදනයක් නිකුත් කරමින් සමගි ජන බලවේගය පවසන්නේ.
එය කුමක්දැයි නිවැරදිව ප්රකාශ කිරීම පොලිස්පතිවරයාගේ වගකීමක් වන බවත්, එසේ නොමැතිව වක්රෝත්තියෙන් ප්රකාශ සිදුකිරීම තුළ මහජන සේවාවේ නිරත මන්ත්රීවරයෙකුට සිදු ලබන අපහාසාත්මක ප්රකාශයක් ලෙස එය සිය පක්ෂය විසින් තරයේ හෙළා දකින බවයි එම නිවේදනයේ වැඩිදුරටත් දැක්වෙන්නේ.
පොලිස්පතිවරයාගේ මෙම ප්රකාශය තුළ ඉස්මතුවන්නේ පැමිණිලිකරු චූදිතයා බවට පත් කිරීමටත්, වින්දිතයා අපරාධකරු බවට පත් කිරීමට ගන්නා උත්සාහයක් බවට අදාළ නිවේදනයෙන් අවධාරණය කරනවා.
