හෙට (14) පැවැත්වීමට නියමිත පාර්ලිමේන්තු මහ මැතිවරණය පැවැත්වීම සම්බන්ධයෙන් සහ ඡන්ද දායකයින් වෙනුවෙන් මැතිවරණ කොමිෂන් සභාව විශේෂ නිවේදනයක් නිකුත් කර තිබෙනවා.
එම නිවේදනයේ දැක්වෙන්නේ; හෙට පැවැත්වෙන පාර්ලිමේන්තු මැතිවරණයේ දී ඡන්ද විමසීම් සිදු කරන මධ්යස්ථානවල ඡන්දය ප්රකාශ කිරීමේ අවස්ථා සහ සලකුණු කරන ලද ඡන්ද පත්රිකාවල ඡායාරූප හෝ වීඩියෝගත කිරීම හෝ දඬුවම් ලැබිය හැකි වරදක් බවයි.
එමෙන්ම එලෙස ඡායාරූපගත හෝ වීඩියෝගත කරන ලද සලකුණු කිරීම් හෝ ඡන්ද පත්රිකා සමාජ මාධ්ය වෙත මුදා හැරීම ද මැතිවරණ නීති උල්ලංඝනය කිරීමක් බවයි මැතිවරණ කොමිෂන් සභාව සිය නිවේදනය මගින් දක්වන්නේ.
එබැවින් එවැනි ක්රියාවලින් වැළකෙන ලෙස සියලුම සමාජ මාධ්ය ජාලා ගිණුම් හිමියන් සහ පරිපාලකයින් මෙන්ම ඡන්ද දායකයින්ගෙන් ද මැතිවරණ කොමිෂන් සභාව දැනුම්දෙනවා.
