මෙවර මහ මැතිවරණයේ දී ඡන්දය ගණන් කිරීමේ මධ්යස්ථාන සංඛ්යාවේ වැඩිවීමක් සිදුව ඇති බව මැතිවරණ කොමසාරිස් ජනරාල් සමන් ශ්රී රත්නායක පවසනවා.
ඒ, අනුව පසුගියවර 1713 වූ ගණන් කිරීමේ මධ්යස්ථාන මෙවර 20345ක් දක්වා ඉහළ ගොස් ඇති බවයි කොමසාරිස්වරයා පැවසුවේ.
මෙම මැතිවරණයේ දී මනාප ගණන් කිරීමක් සිදුවන බැවින් මනාප ගණන් කිරීමේ පහසුව සඳහා මෙලෙස ගණන් කිරීමේ මධ්යස්ථාන ඉහළ දැමීමක් සිදුකර ඇති බවයි ඔහු වැඩිදුරටත් සඳහන් කළේ.
එමෙන්ම මානප ගණන් කිරීමේ පහසුව සඳහා සෑම ගණන් කිරීමේ ශාලාවකටම ලැබෙන ඡන්ද සංඛ්යාව 10,000ට 12,000ත් අතර සංඛ්යාවකට සීමාකර ඇති බව ද කොමසාරිස් ජනරාල් පැවසුවා.
මේ අතර අද (13) පෙරවරු 7.00ට ආරම්භ කළ ඡන්ද පෙට්ටි සහ ලිපිද්රව්ය නිකුත් කිරීමේ කටයුතු මධ්යහන 12.00 පමණවන විට අවසන් කළ හැකි බවත් ඔහු මාධ්ය වෙත අදහස් දක්වමින් සඳහන් කළා.
ඒ, අනුව පස්වරු 2.00 පමණ වනවිට ඡන්ද විමසීමේ පෙරහුරු සියල්ල අවසන් කිරීමට හැකිවනු ඇති බවයි ඔහු වැඩිදුරටත් පවසා සිටියේ.
