ශ්‍රී ලංකාව තුළ සැප්තැම්බර් මස 21 වැනි දින මැතිවරණ දිනය ප්‍රකාශයට පත් කිරීම සම්බන්ධයෙන් ජාත්‍යන්තරය ප්‍රසාදයට පත් ව තිබෙනවා.
අමෙරිකානු තානාපතිනි ජූලි චන්ග් විසින් නිල X ගිණුමෙහි පණිවිඩයක් තබමිනුයි මේ බව සඳහන් කර ඇත්තේ.
ප්‍රජාතන්ත්‍රවාදය තහවුරු කිරීම සඳහා ශ්‍රී ලංකාව ගත් මෙම තීරණය දිගුකාලීන ප්‍රජාතන්ත්‍රවාදයක් සුරක්ෂිත කරගැනීම වෙනුවෙන් සිදු කරන කැපවීමක් බවට තමන් දකින බව ද අමෙරිකානු තානාපතිනිය සඳහන් කර තිබෙනවා.
ශ්‍රී ලාංකික පුරවැසියන්ට ඔවුන්ගේ අනාගතය තීරණය කිරීමට බලය ලබාදෙන නිදහස් හා සාධාරණ මැතිවරණයක් ඉදිරියේ දී පැවැත්වෙනු ඇති බවට තමන් බලාපොරොත්තු වන බව ද අමෙරිකානු තානාපතිනිය වැඩිදුරටත් සිය නිවේදනයේ සඳහන් කර තිබෙනවා.
මෙම පණිවිඩය අමෙරිකානු තානාපතිවරිය විසින් නිකුත් කරනු ලැබුවේ අද පෙරවරුවේ මැතිවරණ කොමිෂන් සභාව විසින් ජනාධිපතිවරණය පැවැත්වීමේ දිනය හා එහි ක්‍රියා පටිපාටිය පිළිබඳ දැනුවත් කරමින් අතිවිශේෂ ගැසට් නිවේදනයක් නිකුත් කරනු ලැබීමේ සිදුවීමට පිළිතුරක් වශයෙනි.
