යාපනය – චෙම්මිණි සුසාන භූමියේ කැනීම්වල දී සිරුරු 07ක ඇටසැකිළි හමු වී තිබෙනවා.
දසත ප්රාදේශීය වාර්තාකරු පැවසුවේ, සමූහ මිනිස් වළක් ද, සුසාන භූමියක් ද සොයා අධිකරණයෙන් වාර්තාවක් ද ඉල්ලා ඇති බවයි.
යාපනය මහෙස්ත්රාත් ඒ. ආනන්දරාජා මහතාගේ නියෝගයන් පරිදි මෙම කැණීම් කටයුතු සිදු කෙරෙනු බව කෝපායි පොලිසිය සඳහන් කළා.
මේ පිළිබඳ වාර්තාව හෙට (06) දිනයේ දී අධිකරණයට ඉදිරිපත් කරන ලෙසටත් මහේස්ත්රාත්වරයා යාපනය අධිකරණ වෛද්යවරයාට හා පොලිසියට නියෝග කර ඇති බවයි වාර්තා වන්නේ.
මේ අතර යාපනය විශ්වවිද්යාල ශිෂ්ය සංගමය මෙන් ම යාපනය සිවිල් සංවිධාන කිහිපයක් ම උතුරු නැගෙනහිර අතුරුදන් වූවන්ගේ පවුල් එකමතුව මගින් චෙම්මිණි සුසාන භූමිය ආසන්නයේ කැණීම් සිදු කරන ස්ථානය යුද සමයේ දී ක්රියාත්මක වූ සමූහ මිනී වළක් බවට සැක කරන බවත් අප ප්රාදේශීය වාර්තාකරු පැවසුවා.
එම නිසා එම භූමියේ කැණීම් කටයුතු ජාත්යන්තර නීතියට අනුව එම අධීක්ෂණයන් හමුවේ සිදු කළ යුතු බවටයි විරෝධතාවක් පවත්වමින් සඳහන් කරන්නේ.
පසුගිය පෙබරවාරි 16 වනදා මෙම සුසාන භූමියට අවශ්ය වන නවීන පහසුකමින් යුත් ආදාහනාගාරයක් ඉදිකිරීම උදෙසා නල්ලූර් ප්රාදේශීය සභාව මගින් ලබා දුන් කොන්ත්රාත්තුවකට අනුව එම කොන්ත්රාත්කරු විසින් ආදාහනාගාරයට අවශ්ය වූ අත්තිවාරම් කැපීම සේවකයින් යොදා සිදු කරන අතරවාරයේ දී පොළොව යට තිබූ මිනිස් අස්ථි කොටස් හමුවීම හේතුවෙන් ඒ බව නල්ලූර් ප්රාදේශීය සභාවට දැනුම්දී තිබෙනවා.
