2023 වසරේ ශීත ඍතුව ආරම්භ වීමත් සමගම චෙක් ජනරජයේ සිට එරට සංචාරකයන් 252 දෙනෙකු රැගෙන විශේෂ ගුවන් යානයක් (Charter Flight) අද කටුනායක ගුවන් තොටුපොළ වෙත පැමිණ තිබෙනවා.
මේ සඳහා පෝලන්ත ලොට් ගුවන් සේවයේ (L.O.T.) යානයක් යොදවා තිබූ අතර එම ගුවන් යානය අද උදෑසන 06.55ටයි කටුනායක ගුවන් තොටුපොළ වෙත පැමිණියේ.
එහිදී මෙම ගුවන් යානය ජල ආචාර පවත්වා පිළිගැනීම සිදු කළ අතර, යානයෙන් පැමිණි ගුවන් මගීන් සාම්ප්‍රදායික නර්තන මගින් පිළි ගෙන ඔවුන් වෙත සමරු ත්‍යාග පිරිනැමීමට ද ශ්‍රී ලංකා සංචාරක ප්‍රවර්ධන කාර්යාංශය, සීමාසහිත ගුවන් තොටුපොළ සහ ගුවන් සේවා සමාගම සහ මෙරට සංචාරක නියෝජිත ආයතන කටයුතු කර තිබුණා.
මෙම විශේෂ ගුවන් සේවා යානා එරට ශීත ඍතුව පහව යන තෙක්, එනම් එළඹෙන 2024 වසරේ මාර්තු මස 26 වනදා තෙක් චෙක් ජනරජයේ සිට එරට සංචාරකයන් රැගෙන කටුනායක ගුවන් තොටුපොළ වෙත පැමිණීමට නියමිතයි.
EARNED BILLIONS OF DOLLARS AND OTHER CURRENCIES FROM TOURISM. WHERE ARE THOSE???TOURIST WONT SPEND FOREIGN CURRENCY HERE. THEY CHANGE MONEY TOR TRAVELLERS CHEQUES OR CHAGE FOR RUPEES AND COME HERE WITH RUPEES.THIS HABIT DOING BY MOST EUROPEAN COUNTRIES.