චීනය “ඉතා සංකීර්ණ හා හැකියාවෙන් යුත්” සයිබර් තර්ජනයක් එල්ල කරන බව එක්සත් රාජධානියේ සයිබර් ඒජන්සිය අනතුරු අඟවා තිබෙනවා.
අපරාධකරුවන් සහ සතුරු රාජ්‍යයන් විසින් බ්‍රිතාන්‍යයේ සිදු කරන ලද සැලකිය යුතු ප්‍රහාරවල 50% ක වැඩිවීමක් ඇතැයි ඒජන්සියේ අලුත්ම වාර්තාවේ සඳහන්.
බීජිං වෙනුවෙන් ඔත්තු බැලීමේ චෝදනාවට ලක් වූ බ්‍රිතාන්‍ය පුද්ගලයින් දෙදෙනෙකුට එරෙහි නඩු විභාගයක් හදිසියේ බිඳ වැටීම සම්බන්ධයෙන් සර් කියර් ස්ටාර්මර් දැඩි පීඩනයකට ලක්ව සිටින අතරතුර චීන සයිබර් ඔත්තුකරුවන්ගෙන් එල්ල වන තර්ජනය පිළිබඳ ජාතික සයිබර් ආරක්ෂක මධ්‍යස්ථානයේ (NCSC) නවතම වාර්තාව එළි දක්වා තිබෙනවා.
2021 සහ 2023 අතර චෝදනා එල්ල වූ අපරාධ සිදුවන අවස්ථාවේ චීනය බ්‍රිතාන්‍යයේ ජාතික ආරක්ෂාවට තර්ජනයක් වී ඇති බව පෙන්වීමට රජය සාක්ෂි ඉදිරිපත් නොකරන බැවින් නඩුව ඉවත් තර ගත් බව රාජකීය නඩු පවරන්නා පැවසුවා.
එවකට බීජිං “සතුරෙකු” ලෙස වර්ගීකරණය කර නොතිබූ බව අගමැතිවරයා ද සඳහන් කළා.
එහෙත් රජයේ සන්නිවේදන මූලස්ථානයේ කොටසක් වන NCSC විසින් 2023 දී කරන ලද සමාලෝචනයකින් එක්සත් රාජධානියේ තීරණාත්මක ජාතික යටිතල පහසුකම් සඳහා චීනය විසින් එල්ල කරන ලද “දියුණු තර්ජන” ගැන සඳහන්.
ප්‍රකාශයට පත් කරන ලද එහි නවතම වාර්තාවේ, සයිබර් ආරක්ෂණ ඒජන්සිය මෙසේ පැවසීය: “එක්සත් රාජධානිය ඇතුළුව ලොව පුරා පුළුල් පරාසයක අංශ සහ ආයතන ඉලක්ක කර ගනිමින් චීනය ඉතා සංකීර්ණ හා දක්ෂ තර්ජන කාරකයෙකු ලෙස දිගටම පවතී.”
