දෙවන ලෝක යුද්ධයේදී ජපානය පරාජය කිරීම සැමරීම සඳහා චීන තානාපති කාර්යාලය ඔස්ට්‍රේලියානු පාර්ලිමේන්තු මන්දිරයේ ප්‍රධාන ශාලාවේ සංවිධාන කර තිබූ උත්සවයක් අවලංගු කිරීමට ඔස්ට්‍රේලියානු බලධාරීන් පියවර ගෙන තිබෙනවා.
පාර්ලිමේන්තු සේවා දෙපාර්තමේන්තුව (DPS) මුලින් උත්සවය පැවැත්වීම අනුමත කළ නමුත් පසුව අවසරය ආපසු හරවා ඇතැයි ඔස්ට්‍රේලියානු මාධ්‍ය වාර්තා කළා.
ඒ අනුව සැමරුම් උත්සවය වෙනත් ස්ථානයක පැවැත්වීමට චීන තානාපති කාර්යාලය කටයුතු කර තිබෙනවා.
ඒ අනුව තානාපති කාර්යාල පරිශ්‍රය තුළ ප්‍රසංගය පැවති අතර, තානාපති කාර්යාලය පැවසුවේ “විවිධ අංශවල සම්භාවනීය අමුත්තන්, ඕස්ට්‍රේලියාවේ රාජ්‍ය තාන්ත්‍රික දූත මණ්ඩල නියෝජිතයින් මෙන්ම චීන ප්‍රජාවේ සාමාජිකයින් සහ ජාත්‍යන්තර සිසුන්” ඇතුළු අමුත්තන් 400කට ආසන්න සංඛ්‍යාවක් සහභාගී වූ බවයි.
DPS විසින් අවසරය ඉල්ලා අස්කර ගැනීමට හේතුව ප්‍රසිද්ධියේ පැහැදිලි කර නොමැති වුවද, එක් ෆෙඩරල් රජයේ මූලාශ්‍රයක් ABC වෙත පවසා තිබුණේ ජපානයේ ආකල්ප කෙරෙහි රජයේ සංවේදීතාව, චීනය සිය වර්ධනය වන හමුදා බලය සහ රුසියානු ජනාධිපති ව්ලැඩිමීර් පුටින් සහ උතුරු කොරියානු ඒකාධිපති කිම් ජොන් උන් වැනි ඒකාධිපති නායකයින් සමඟ ඇති සමීප සබඳතා ප්‍රදර්ශනය කිරීම සඳහා අනුස්මරණ භාවිතා කරන ආකාරය පිළිබඳව කැන්බරාහි ගැඹුරු සැකයන් සැලකිල්ලට ගෙන ඕස්ට්‍රේලියානු පාර්ලිමේන්තුවේ උත්සවය පැවැත්වීම වළක්වනු ලැබූ බවයි.
චීනයේ ඕස්ට්‍රේලියානු තානාපති ස්කොට් ඩිවර් ද බීජිං හි පැවති හමුදා පෙළපාළිය මඟ හැර, ඔහු වෙනුවට වඩාත් කනිෂ්ඨ රාජ්‍ය තාන්ත්‍රිකයෙකු යවනු ලැබුවා.
