පිලිපීන නාවික හමුදාව සහ ජපාන සමුද්‍රීය ආත්මාරක්ෂක බලකාය කලාපීය සහයෝගීතාවය සහ ස්ථාවරත්වය අවධාරණය කරමින් මතභේදයට තුඩු දී තිබෙන දකුණු චීන මුහුදේ ඔවුන්ගේ ප්‍රථම සමුද්‍ර සහයෝගීතා ක්‍රියාකාරකම් පසුගියදා පැවැත්වූවා.
කෙසේ වෙතත්, දකුණු චීන මුහුදේ දැනට පවතින ආතතීන් ඉස්මතු කරමින් මෙම අභ්‍යාසය චීන නාවික හමුදාවට අයත් නෞකාවක් විසින් සමීපව නිරීක්ෂණය කරන ලද බව වාර්තා වනවා.
පිලිපීනයේ සන්නද්ධ හමුදාවන් (AFP) නිදහස් හා විවෘත ඉන්දු පැසිෆික් කලාපයක් සඳහා ජාත්‍යන්තර සහයෝගීතාව ශක්තිමත් කිරීමේ අරමුණින් සමුද්‍රීය සහයෝගීතා ක්‍රියාකාරකම් (MCA) පැවැත්වූ බව නිවේදනය කළා.
මෙම ඒකාබද්ධ අභ්‍යාසයේ දී පිලිපීන නාවික හමුදාව සහ ජපාන සමුද්‍රීය ආත්මාරක්ෂක බලකාය කලාපයේ ආරක්ෂාව සහ ස්ථාවරත්වය පවත්වා ගැනීම සඳහා වන කැපවීම අවධාරණය කරන ලද අතර, නීති රීති මත පදනම් වූ ජාත්‍යන්තර වැඩපිළිවෙළක් සඳහා ඔවුන්ගේ හවුල් කැපවීම පිළිබිඹු කරනු ලැබුවා.
කෙසේ වෙතත්, පිලිපීනය සහ ජපානය විසින් නිකුත් කරන ලද ඡායාරූප මගින් චීන නාවික හමුදාවට අයත් නෞකාවක් පිලිපීන සහ ජපන් යාත්‍රා නිරීක්ෂණය කරන බව අනාවරණ වී තිබෙනවා.
