චීන රජයේ දැඩි මර්දනයට සහ නිරන්තර සිරදඬුවම්වලට ලක්වූ 69 හැවිරිදි වියේ පසුවන ප්රමුඛ පෙළේ දේශපාලන විරුද්ධවාදියෙකු සහ මානව හිමිකම් ක්රියාකාරිකයෙකු වන ඩොන්ග් ගුවැන්ග්පින්ග්, කුඩා රබර් බෝට්ටුවක් ආධාරයෙන් අතිශය භයානක ලෙස මුහුදු මාර්ගයෙන් චීනයෙන් පලාගොස් කැනඩාවේ දේශපාලන සරණාගතභාවය ලබා ගැනීමට සමත්ව ඇති බව බීබීසී පුවත් සේවය වාර්තා කරනවා.
චීන කොමියුනිස්ට් පක්ෂයට තමන්ව පාලනය කළ නොහැකි බව ඔප්පු කිරීම සඳහා තමන් ජීවිතය පරදුවට තබා මෙම තීරණය ගත් බව ටොරොන්ටෝ නුවර සිට වීඩියෝ ඇමතුමක් හරහා බීබීසී නාලිකාව සමඟ අදහස් දක්වමින් ඔහු ප්රකාශ කර තිබෙනවා.
හිටපු පොලිස් නිලධාරියෙකු වන ඩොන්ග්, 1989 වසරේ සිදු වූ Tiananmen ප්රජාතන්ත්රවාදී ශිෂ්ය අරගලය සැමරීමේ පෙත්සමකට අත්සන් තැබීම හේතුවෙන් 1999 වසරේදී වසර 13ක පොලිස් සේවයෙන් නෙරපා හරිනු ලැබුවා.
ඉන්පසු චීන රජයට එරෙහිව කටයුතු කිරීමේ චෝදනා මත 2001 සහ 2014 යන වසරවලදී ඔහු කිහිප වතාවක්ම බන්ධනාගාරගත කෙරුණා.
මීට පෙර හතර වතාවක්ම චීනයෙන් පලා යාමට උත්සාහ කළ ද සෑම අවස්ථාවකදීම ඔහු අසාර්ථක වුණා.
