එක්සත් ජනපදයේ හමුදා නිලධාරියෙක් මෑතකදී පැවසුවේ චීනයේ කොමියුනිස්ට් පාලන තන්ත්රය මෑත වසරවලදී බුද්ධි අංශ හෝ හමුදාමය අරමුණු සඳහා භාවිතා කළ හැකි කක්ෂගත චන්ද්රිකා සංඛ්යාව තුන් ගුණයකින් වැඩි කර ඇති බවයි.
අභ්යවකාශ බලකායේ ජෙනරාල් ස්ටීවන් වයිටින්, සම්මන්ත්රණයකදී, චීන කොමියුනිස්ට් පක්ෂය (CCP) බුද්ධි, නිරීක්ෂණ, ඉලක්ක අත්පත් කර ගැනීම සහ ඔත්තු බැලීමේ (ISTAR) අරමුණු සඳහා චන්ද්රිකා සිය ගණනක් දියත් කිරීම අධීක්ෂණය කළ බව පැවසුවා.
ජෙනරල් වයිටින්ගේ ප්රකාශයන්, බටහිර ආන්ඩු සහ ආරක්ෂක ආයතන සයිබර් ප්රහාර හරහා ඉලක්ක කර ඇති සහ අභ්යවකාශ තාක්ෂණය ඇතුළු තීරණාත්මක තාක්ෂණ ක්ෂේත්රවල ආධිපත්යය දැරීමේ පුළුල් සීසීපී අභිලාෂයකට අනුකූල බව පෙනී යනවා
CCP, පාලන තන්ත්රයේ රාජ්ය මන්ත්රණ සභාවේ තොරතුරු කාර්යාලය විසින් ප්රකාශයට පත් කරන ලද 2022 ධවල පත්රිකාවක, ලෝකයේ “අභ්යවකාශ බලය” නායකයා වීමේ තම අභිලාෂය ප්රකාශ කර තිබුණා.
එම ප්රකාශනයෙන් පසුව, සීසීපී පාලන තන්ත්රය වාර්ෂික චන්ද්රිකා දියත් කිරීම් වලදී ලොව ප්රමුඛතම ජාතිය බවට පත් වූ අතර නව මොඩියුලර් රොකට් පද්ධති සංවර්ධනය කිරීම සහ රුසියාව සමඟ ඒකාබද්ධ චන්ද්ර පදනමක් ඉදිකිරීම අධීක්ෂණය කර ඇති බව ද මාධ්ය වාර්තා කළා.
ජෙනරල් වයිටින් පැවසුවේ, තර්ජන හමුවේ එක්සත් ජනපද චන්ද්රිකා “වඩා ඔරොත්තු දෙන” බවට පත් කිරීමට අභ්යවකාශ හමුදාව පියවර ගෙන ඇති බවයි.
චන්ද්රිකා මත නව ආරක්ෂක හැකියාවන් ඇතුළත් කිරීමෙන් සහ විශාල චන්ද්රිකා මණ්ඩල යොදා ගනිමින් ප්රහාරයක් එල්ල කිරීම සහතික කර ඇති බව ඔහු පැවසුවා.
මේ අතර, එහිදී අදහස් දැක්වූ ආරක්ෂක බුද්ධි අංශ අධ්යක්ෂ ජෙනරාල් ජෙෆ් කෘස් කියා සිටියේ චීන කොමියුනිස්ට් පාලනය ජාත්යන්තර පර්යාය තුළ එක්සත් ජනපද ආධිපත්යය ඛාදනය කිරීමට සිය නව අභ්යවකාශ වත්කම් භාවිතා කිරීමට උත්සාහ කර ඇති බවයි.
